新寵??

細細聲話您哋知吖車媽媽這天去咗偷食,這天到好友Staice家探探三個月大的小Cola,按此連結Cola FB專頁呢隻妹超級乖巧好肯聽指令,樣子更是標緻可人,大個女一定好美喔!!




呢隻懶豬豬好喜歡飲水,而且還要Sit住嚟飲好鬼識嘆囉^0^
跟她玩耍一會已經主動投懷送抱黏在我身上覺覺豬呢~ 
相信EE好快又來探妳呢個新寵架喇hehe~
同Cola玩到夠皮後獨自到青衣城行一陣,點知收到車爸爸電話來話會夜收工,那我便成機吃埋晚餐才回家啦!!選了土司工坊吃我一個人的浪漫^0^
餐廳鋪位不太但在商場中央放了不少座位,簡潔裝修都頗舒適架~ 
看看餐牌最想試{星洲喇沙}$55,套餐加$3可享凍檸檬茶一杯~ 
餐廳係自助形式在收銀處點好食物付款後會給一個呼叫器客人,當食物預備好後呼叫器亮紅燈時便可到櫃檯取食物~ 
但不知為何我的呼叫器等了良久也沒反應,眼見遲來的人客已在品嚐緊喇沙時心已知漏了我單,到櫃檯跟店員通知後很快便給我補來而且還由店員親手送到我面前,服務態度十分良好^0^
星洲喇沙湯底看上對版,有排得整齊的鮮蝦,魚片,豆卜等餸料~ 
先呷一口喇沙湯味道中規中舉應有的味也有,但沒太大驚喜囉!而餸料亦是一般貨色沒差也沒好,如問我這價錢嚟講又真的未能令我想再來吃多次囉!!
事隔差不多20天我又忍唔住去探Cola,可知能抱她的日子真所剩無幾,她長大後分分鐘高過我呢!!探她前相約Cola媽媽到她家附近的泳池餐廳Olbay去試一試它的神祕西多有神祕先~

     
     


高樓底的泳池餐廳原來可以那麼浪漫粉紅添上粉紫又頗融和噃!! 
我哋選了來吃下午茶,不知是否下大雨的關係人客不算太多~



下午茶有六款選擇,未吃lunch的我倆決定叫三份tea set分享^0^ 

飲品有三杯好彩我都劈得下那我包攬兩杯吧!! 
我的{檸檬柑桔蜜},幽幽的柑桔香都ok啦!!

先上場嘅係{神祕西多}$45,厚厚的兩片多士中塗上近年大熱的黑芝麻醬 ,可惜唔係流心如果唔係效果應更吸引!!


多士煎得夠甘香少少的黑芝麻醬不太甜,食西多我喜歡少餡的,整體都算不俗~ 
{吉列魚柳併炸薯角}$45,賣相好得可惜炸薯角須夠粉淋但外皮未夠香脆,而魚柳亦炸得太乾硬這個set麻麻哋咋!! 

最後一份係{水牛城雞翼併蒜蓉包}$40,汁醬做得非常惹味而且雞翼沒有過熟好味,蒜蓉包也烘得挺香脆這set我推介的^0^ 
去到Cola道見少了她20天又大個女咗,但一樣仲係咁嗲嗲豬^0^ 
她亦開始有個性頑皮多了這天又被媽媽罪喇haha~
下次再見或者抱妳唔起喇!!要乖乖聽媽媽教導做隻人見人愛的小毛孩呀Cola BB see you next time^0^


留言

  1. Cola好得意呀,初時我係FB睇,我以為妳養多一隻陪車車tim

    回覆刪除
  2. 係咪我錯覺呢,事隔3星期,Cola好似已經大隻咗好多,無咁BB樣啦!

    回覆刪除
    回覆
    1. 妳冇睇錯Cola係西伯利亞種大定可以高過我嫁!!

      刪除
  3. 佢啲手仔, 腳仔咁粗, 一定係大隻妹啦!

    回覆刪除

張貼留言

熱門文章