辣得過癮

Blog友小連高度推介這間肥姐麻辣餐廳就在媽媽家附近我在5月尾吃了第一次後便吃上癮來呢^0^

第一次便是吃午市川菜套餐的招牌口水雞$49,配白飯,熱飲還有送的涼拌菜~
套餐送涼拌菜一碟,今天得到泡椒蘿蔔,輕辣的爽口醃蘿蔔吃下好開胃 ,送的小吃也沒揸流灘呢~
招牌口水雞賣相正宗,色澤迷人,香辣味道緩緩從鼻子升上腦袋令人垂涎三尺喔!! 
雞肉須非嫩滑無比,但吃下也不嚡口,味道麻,香,辣俱全,自問吃得辣的我吃下也覺火燙刺激,令我留下萬分好感呀^0^ 
車婆婆不吃辣叫了客公司三明治$38一客有四件,餡料亦挺足有雞蛋,蕃茄,生菜,芝士和火腿,多士烘得夠香脆啊~
事隔一星期心思思想再返兜便跟車爸爸再去幫襯吃午餐^0^ 
今次小吃係涼拌木耳,爽口木耳少少辣多多脆沒有"up"味好正架~ 

今次試秘製水煮魚$68,一端上檯淨係聞到的那份香氣已知對版了^0^ 
用上鮮甜大魚片製作,骨須多但可知多骨魚係零舍鮮甜架~ 
味道辣得很有層次,先帶香味隨之便是麻感最後便是勁辣滋味,辣度連我也也差點頂不住啊,別忘記內裡的海帶入味得很越吃越好味呢!
車爸爸不吃得辣所以叫了較清淡的魚腩泡飯$39,魚湯味道還算不俗加上了生菜後味道激似生菜魚肉湯,可惜魚腩帶有少許腥味有點美中不足啊!! 
車爸爸的熱奶茶套餐+$3質感不夠滑溜,茶味亦略淡麻麻哋咋!!
我的凍檸茶套餐+$3,都算不錯沒反茶巳收貨啦~
第三次的幫襯到吃晚餐,跟車婆婆公公和八姨4人去開餐,這夜涼拌菜係拍青瓜$10客,這是坐下必跟的一客的,沒甚辣味但帶少許麻香好吃得他們要叫多一客來吃呢^0^
車婆婆上次跟我午餐時已盯上這隻狀元蹄$128(要提早預訂),上檯時驚覺原來那麼巨型呢!! 
味道近似滷水味,炆得恰好的豬手皮膚軟糯黏口,肉質軟淋不韌好功夫,不過空口食會較鹹用來送白飯食較合拍~ 
泡椒焗花甲$78,講真我有點疑惑這兜究竟係花甲定沙蜆,不過不打緊了味道準是我最關注的,花甲鮮甜乾淨沒有沙,要就幾位長輩點了少辣,輕輕的泡椒味令鮮味提升不少呢~ 
雙椒蒸魚頭$128,大魚頭個子巨大鮮甜沒泥腥味,或許要少辣所味道不算十分出色,下次要同辣友再試先得^0^
上湯娃娃菜$58,估不到那上湯那麼濃香甜美,還有不少黃金皮蛋同在,為淋甜的娃娃菜增添一絲美感^0^ 
第四回便是補足父親節晚餐,原本想跟車公公去食自助餐不過宅女車婆婆唔想四圍去話屋企附近便算(講到尾想幫我哋荷包慳皮呢)~


這夜我哋一家五口去食,當然要重溫狀元蹄$128,跟上趟一樣出色豬手入味酥香^0^ 
虎皮尖椒$45,吃了那麼多次這菜第一趟食到辣的尖椒辣得好過癮啊,汁料也算正宗如帶多點點豉香一定更加吸引^0^
酸辣土豆絲$43,要了少辣薯絲已去掉澱粉質剩下爽脆的口感,味道少少酸辣也不失好味道啊~ 
酸菜桂花魚$148,點了走辣色澤很鮮明的酸菜魚味道很濃香,酸菜味不搶喉而魚肉亦嫩滑好味,想像到如帶辣的話應該更合我意呢?? 

招牌口水雞$58/例牌,BB辣的口水雞沒有正常的吸引但仍是香口惹味的,可惜雞件較濕碎沒有口感可言^0^
麻辣爽口涼麵$34,味道其實又香又麻但師傅重手了少許導致味道過鹹啊!!可幸麵質挺爽口~ 
看車公公婆婆笑得咁滿足這頓應該吃得頗滿意啦,老豆父親節快樂啊^0^ 

留言

  1. 如果7/12驗身報告冇咩野, 一定要Forward俾老公引誘佢先得!!!

    回覆刪除
  2. 小店嘅美味程度由車媽媽近期密密去嘅次數可見一班,嘻嘻!:)

    回覆刪除

張貼留言

熱門文章