父親節!!

父親節當天須然係星期日但車爸爸要開OT不過下午三點已可收工,既然咁早收工便相約幫車車跟爸爸慶祝父親節啦^0^
我連早餐也未食行到風味園又心思思食羅宋湯通粉呀!! 
夜晚還要食飯叫D冇咁飽肚的下午茶餐啦!!
很久沒吃炸雞脾了,就點份炸雞脾餐$28加$5配羅宋湯通粉~
雞脾炸得好香脆肉質也嫩滑係奀咗少少囉!! 
而我至愛的羅宋湯通粉依舊美味,大量蔬菜煮成的羅宋湯酸酸甜甜最重要係冇牛羶味呀^0^ 
另一份係車爸爸的公仔麵餐三拼$28,沙嗲牛肉,太陽蛋,芝士腸米粉,他評價味道好普通咋!!不過條芝士腸好脆卜卜唔會好似死屍肉般!!
車爸爸飲熱奶茶,我當然要凍檸茶啦,味道正常茶也清澈收貨~ 

天氣實在太熱了不能在街流連揀咗喺旺角附近逛逛商場,行了數小時後好鬼口喝經過這間Freshtea Happy Lemon見到主打檸檬和茶當然要整返杯試試啦!! 
這款台灣檸檬名叫{綠翡翠},賣點係皮薄多汁香味濃郁~ 
揀了{手榨檸檬蜜香凍紅茶}$25~ 
超大杯的檸檬蜜香凍紅茶,等了約5min便有喇,呷一口即時心心眼,茶味清香優雅,檸檬亦香氣濃郁,喝下真的十分Fresh值得推介給大家呀^0^ 

行到七時便到陵發食麻甩潮州菜,到達時已有不少人等位但父親節嚟講真的不算人多了。 
好好彩我哋二人一到便有位,真係好開心呀^0^ 
陵發食物種類不多但全都係一些正宗的潮州餸,同埋係冇價錢架好似探險咁^0^ 


兩條冷食力有限只點了{蠔仔肉碎粥},{韮菜豬紅},{鵝掌翼}~ 
話明係慶祝父親節,當然要啤啤佢啦我唔飲得啤酒那以可樂代酒吧!! 
蠔仔肉碎粥細的份量也不少啊!!蠔仔粒粒飽滿新鮮,大地魚味算不少當然不能跟自煮的比較啦~

韮菜豬紅一吃下我便拍爛手掌,那份濃香豬紅味很久沒嚐過喇!!而汁料味道既香且辣好吸引喔^0^

鵝掌翼叫來給車爸爸送酒,滷水味香醇滷得很入味不會淨係得表皮好吃唔錯呀^0^
代車車祝你父親節快樂,最緊要身體健康啊^0^

留言

  1. 豬血呀~~~好耐無食過啦,勁想食呢!其實呢度有架,不過叫親呢味都要奉行自己叫嘅豬血自己清制,所以我都放棄咗無食啦。

    回覆刪除
    回覆
    1. 呢度都有,不過唔係滑嘟嘟的,唔好食

      刪除
    2. 吓一個人隊晒又真你.....唔緊要妳返hk記得留返5.6.7餐比我哋同妳去擦餐勁嘅haha~

      刪除
    3. Ruby始終喺香港食正D,妳都快D返來啦^0^

      刪除

張貼留言

熱門文章