七月壽星飯聚

七月好多朋友生日但係未必每位也能吃得到生日飯,不過有數位認識數年的Blog友已變成知心好友,大家在我心中很有份量架,所以近年大家多忙也一定夾得出時間吃大家的生日飯,這頓便是為劉總和Oli兩位慶祝生日的一餐。

麻煩劉總呢粒壽星幫忙跟海景軒梁師傅訂菜呢!!

或許是星期四的關係連這樣高檔的海景軒也場面冷清,魚仔你寂寞嗎??

有劉總打點了一切,人到了呷口茶翹埋手等吃便是了,又一次證明識人好過識乜的道理哈哈....^0^

先打頭陣涼菜瑪瑙水晶片和京式薰素鵝,全是功夫菜啊!!

 {京式薰素鵝}質感札實,帶幽幽的薰香,咬下口感十足。

{瑪瑙水晶片}賣相美麗晶瑩剔透,用豬腳筋做成的皮凍入口爽脆又滑溜,味道香而不鹹,精彩的冷盤。

{黑松露燉響螺頭}湯色清澈明亮,喝下鮮甜順喉,唯獨黑松露香氣略為不夠啫!!

{椰香焗釀蟹蓋}高漲到壽星公額頭般的蟹蓋,未揭開都知有多足料啦!!

 

揭開後果然爆料非常內附大量蟹肉,最抵讚係絕冇蟹殼在內,味道有香濃椰子,一梳梳蟹肉鮮甜好吃,不過實在太足料吃到一半有點膩,最後用醋來伴吃最後也順利清蓋^0^

{鴛鴦糯米飯} 這菜帶點西式感覺上層係芋泥包裹著紫米，芋蓉炸得酥脆香口，而內裏的紫米又煙靭軟糯，下層係煎糯米雞呢排一係唔食佢一食就佢幾次haha~

呢個{狀元煎茶果}係海景軒嘅名物 果然驚喜處處。

茶果底部煎得香脆可口,而面層就煙靭軟糯，內裏嘅餡料亦都十分精彩，吃得我十分愜意呢。

吃飽飽菜後個個都係甜魔當然要有甜品時間啦!今次有{黃金脆鮮奶}{泮塘山楂卷}{蛋白杏仁茶}和起沙香而不過甜的{紅豆沙}~

{黃金脆鮮奶}炸得香脆可口奶味亦香濃， 誠意十足呀！

酸香嘅山楂卷正好為飽滯嘅我們舒緩一下,平時不愛吃山楂的我也超like^0^

祝劉總和Oli生日快樂,身體健康,工作順利,好快又再聚喇Yeah~