幸福

車爸爸由7月21放了他的悠長假期足足放了20天，所以冷街的日子超多，加上街市要重新裝修互8月才重開所以羅家飯已變得少之又少了!!在這一次放送7月中至今的寥寥可數的羅家飯吧!!第一餐係車婆婆道吃的海鮮大餐^0^

呢排D奄仔蟹鬼火咁靚唔食對唔住自己啦!!

膏香鬆軟最愛吃這質感的蟹膏，不過冇膽的我只能淺嚐，我好有節制的朋友們請放心!!

海蝦隻隻札實肉質彈牙，味道又鮮甜好靚仔。

車婆婆知我喜歡食涼瓜特意煮倉魚炆涼瓜我嘆，媽媽的味道永遠最好吃最窩心的。

車婆婆從來不偏心炆了拿手的豬手,，掌雞腳比好女婿嘆，吃得車爸爸肚滿腸肥 。

第二晚用了車婆婆那餐吃剩的蟹和蝦煮了一味返生菜haha~

買多條游水金鼓用靚果皮蒸，魚肉嫩滑魚鰭甘香好吃鮮味十足喔^0^

返生菜用吃剩的蟹折肉加埋蝦肉做成蝦蟹粉，炒啲菜苗墊底已好吃非常了。

第三餐求其煮啲魚蛋蝦卷河粉,加上冬菜和南記辣醬呢碗偽南記味道挺像樣架hehe~

31/7見到新裝修的街市差不多重新開業，蠻期待有新衝擊希望食品不會太貴便好了，怎料最後都去到7/8才第一次入新街市。

第三餐6/8是日係七月初四亦是車媽媽的農曆生晨，車婆婆為我準備了火鍋慶生，好多美食好豐富耶^0^

乾罐過後大家便可大快朵頤Yeah~

一家人都喜歡食海鮮當然唔少得爆膏靚奄仔，海蝦，桂花魚。

仲有雪花靚肥牛,車爸爸見我冇肉食即刻飛奔去超市買咗盒豚肉片給我,須然不好味但心裡確係甜呢!!

仲有魚皮餃，生菜，牛百葉，津白和芋絲夠晒豐富啊!!

看我最最最愛的幾位吃得多滋味，我真的好幸福啊^0^

打完邊爐有個傻佬用西瓜代蛋糕，用牙籤代蠟燭來跟我慶祝，真係比佢笑C haha~

到7/8終於去逛新街市喇，冷氣強勁咗好多啱晒我啦。

現在街市一望無際，用上懷舊裝潢，地下乾爽冇異味，真的舒服了很多。

車爸爸一見到金魚缸即刻好開心，佢話好耐冇喺街市見過了!!

買完餸出口處還擺了拉糖檔，記得細時逢盂蘭節我最喜歡就係吹拉糖波，不過次次都好快穿贏不到公仔糖，呢個拉糖檔為了慶祝街市重開只開數天架咋！

狗狗真識嘆行近門口嘆冷氣叻仔^0^

街市內多了以往沒有的商店，這家買天然穀物雞無激素，啱晒清麗村姑。

不過我喜歡雞有雞味，我就買番幫襯開那檔冰鮮雞，味道跟新鮮有得揮㗎。

而另一檔就專賣蛋的，買了幾隻初生蛋和湖北蛋試試看。

這天便製作了親子海南雞飯，車爸爸話很久沒吃了，見他食得津津有味我D廚藝應該冇退步啦(^_-)

車爸爸話有D燥熱所以呢餐滾啖芫茜皮蛋魚片湯佢飲！

蒸條馬友同蝦干粉絲津白，簡簡單單又一餐。

終於夠膽喺街市買豬肉，之前的臨時街市週圍都係蒼蠅見到都反胃！！

韓辣醬燒豬頸肉，肉香軟淋好好味呀。

蒜蓉白菜仔爽脆多吃，又攪掂一餐。

另一餐就試湖北蛋啦。

蕃茄炒蛋，呢隻湖北蛋人個子小小但好香蛋味，配埋酸甜蕃茄送飯一流。

行經魚檔大叔叫煮我梅菜蒸鯇魚，心諗都好喎横掂都好耐冇食，買完佢竟然送咗一棵梅菜，嘩又幾抵喎！！須然係送的但質素都不算大差呢。

早幾天清麗村姑約我食Lunch，原來有寶貝給我多謝晒，我當然十分欣賞，但車車就……哈哈！

在車婆婆處取了吃剩的豬手雞脚，返熱便吃得。

將清麗村姑的寶貝用蒜蓉清炒，清甜好吃，再一次說我好幸福啊^_^

整多罐煙燻蠔，第一次試味道帶甜，煙燻味重，蠔味亦不俗呢。