兩媽一爸齊慶生晨

八月真的係一個好日子，因為係我的生日月，第二場生日飯連埋我有三位壽星，這天我們一行六人便到Rustico吃午餐跟甜魔媽媽和松松爸一起慶祝生日好不熱鬧呢！

無獨有偶我兩年前的生日晚餐亦在此餐廳慶祝，可按此回顧還要坐在同一位置真巧合！！

Lunch menu足足有六個main course 我哋一行六人當然係掃餐牌啦！

侍應生為我哋送上麵包籃，鬆軟嘅麵包配上油醋同吃幾滋味㗎！

Appetiser得四款所以有兩款我哋會重複，第一樣係{菠菜忌廉湯伴伊比利亞辣肉腸}，其實湯好濃郁可惜味道過了火實在太鹹了！！

第二款係{安達盧西亞式脆炸魷魚}呢個魷魚都炸得香口惹味，吃到墨汁鮮香，作為前菜最適合不過了。

但我最喜歡嘅就係呢個{香薯洋蔥伴白毛豬火腿煎蛋及Romesco甜椒醬}， 將蛋黃拌勻後同吃黏黏的口感很滋味，而薯仔亦都做得好香口又夠淋，加埋鹹香嘅風乾火腿，成件事變得更加完滿。

{傳統西班牙Entremeses拼盤伴俄羅斯沙律及燻肉薈萃}，内有數款不同嘅cold cuts，啱曬多心嘅朋友啦。

輪到主菜我哋從來都係開心share所以全都分著吃，{傳統烤西班牙乳豬伴焗馬鈴薯}$198 西班牙乳豬皮挺脆肉質亦算嫩滑，墊底嘅粉粉的薯仔亦都十分可口。

{招牌西班牙伊比利亞黑毛豬海鮮飯}$168，內有不少海鮮如大蝦，大蜆及青口等，飯內伴有不少風乾火腿所以味道添上一份鹹香，意大利飯的口感未合我意，如果再多一點米骨會更加可口！

{香煎吞拿魚伴香薯配巴斯黑汁}$188，吞拿魚味算嫩滑，對不起這個菜我對它沒什麼好感。

{香蒜辣椒蜆肉意粉}$148，這個意粉質感al dente，配埋香辣嘅味道好合我心意，很好彩地我吃到嘅大蜆有沙，但其他朋友可幸吃不到呢！

{炭燒美國肉眼扒伴薯蓉烤蕃茄及Chimichurri燒烤汁}$196, 這個牛菜當然要交畀好友們品嚐啦(^_-)

最後係呢個{招牌秘製地中海燒雞伴傳統香草馬鈴薯}$148，這個燒雞很好吃味道香口惹味，肉質亦算嫩滑，實屬難得。

吃罷午餐後原來好友們預備了生日蛋糕，祝妳，我，他Happy Birthday！！ 

記得這兒的白酒sangria十分好喝來Jar開心share啦!!多謝公關朋友的心意呀*^O^*

吃埋甜品水蜜桃撻後我哋一行四人就在七月十四的鬼節日子移師另一地方傾傾少婦心事。