緣份@ATUM

大家相信緣份嗎? 車媽媽就絕對相信啊~近年因為食真的識咗好多好朋友，這一點真的要多謝{甜魔媽媽}，真心感謝她經常介紹好多真心好友我認識^0^

像這天的劉總亦都因為甜魔媽媽關係而認識還結下友誼，這天便跟他來到ATUM Restaurant吃充滿藝術氣質嘅午餐，而且呢一間銅鑼灣的姊妹甜品店我亦都係同劉總去吃的， 所以話呢緣份係冇辦法擋喔！

餐廳有點難找要經過不少店鋪行到盡頭才找到，一行入去見到餐廳用上投射將藝術般的食物展現出來，看上去充滿生氣彷彿傢呼喚我吃掉它般！

其實都已經差不多中秋節啦！天氣還是十分熱都係飲杯冰凍飲品，前係劉總的{士多啤梨西柚汁}，後係我的{菠蘿香茅薑味梳打}各$48/杯。

{菠蘿香茅薑味梳打}味道好清新，薑同香茅嘅味道平衡得不俗，加上我喜歡的菠蘿，我鐵定愛上它。

鍾情紫色嘅車媽媽喺頭盤嘅吞拿魚沙律處偷了一朵食用花放在飲品上，效果出奇地美麗，大家喜歡那個版本？

嘆完靚靚飲品係時候要開餐喇！侍應先送上麵包籃和牛油給我們，麵包還是熱暖的好有誠意喎！

先吃個小食{炸甜薯條}$55，分量超足的番薯條炸得香口，吃下粉淋香甜 ，另外更配襯芥末沙律醬，用來點吃真的十分滋味，我又諗起Chloe妹妹喇^0^

頭盤我哋就要咗{吞拿魚沙律}$92那precentation簡直係藝術品般，教人怎忍心吃掉它！

But再唔忍心都敵不過為食haha，吞拿魚加上青瓜及脆米出來的化學作用，令人再三回味，除吃到鮮甜香脆的感覺外，還有幽幽的芥辣香氣，感覺好曼妙！

輪到主菜好期待呀！這碟唔係意大利飯，佢係一碟米型意粉配上石斑柳，還有綠茶製成的意粉$178，您話幾咁特別啊！

石斑煎得香脆，吃下沒有帶腥， 當然要趁熱食啦！而米型意粉用上綠茶去炮製，味道帶幽幽嘅綠茶甘香，口感滑溜但會偏淋！

而另一份主菜係{帶子墨汁意大利飯}$158，這個意大利飯更合我倆胃口，飯粒具咬口，味道甘鮮，而帶子煎至半熟，吃下軟滑帶鮮甜味， 雖然吃到滿嘴烏卒卒但還是十分喜愛它呢^0^