秋意中等我！

今日係莘莘學子嘅開學日，希望各位學生哥努力學習，開開心心過校園生活，而呢個時間亦都開始差不多踏入秋天了，心底裏那條BBQ蟲經已蠢蠢欲動呢！！

但而家又唔算太涼，不過又想燒野食，心內盤算著如何唔熱又可以燒野食呢！不如去有冷氣嘅地方啦^_^ 聽朋友講銅鑼灣呢間火山燒放題質素唔錯，咁就約車爸爸去燒雞翼啦！

車爸爸收得夜的關係我哋九點半先上去開始燒野食，所以人還不太多，不過你唔好以為佢冇生意！佢哋越夜就越旺，到我哋走時都差不多坐滿客人呢(￣∇￣)

我倆被安排坐係闊落嘅卡位，坐得十分舒適啊,我哋呢個時段$298/位任食三小時，啱晒喜歡慢慢嘆的車爸爸啦!!

這個便是我哋今晚要用嘅燒烤爐，上面放滿岩燒石，下面用發熱線來加温，所以並沒有油煙的，乾淨又企理。

檯面上亦都放滿各樣嘅調味料同醬汁，有海鹽胡椒同埋七味粉。

另外三個竹筒放上有蜜糖，燒汁，同埋類似日式嘅辣麵豉醬， 喜歡咩味就自己揀喇喂！

第一輪我哋每樣都點少少，有肉類，海鮮，蔬菜和生果添！

第一碟有叉燒，墨魚咀，流心芝士年糕，雞心同埋雞腎。

第二碟有豚排，牛肩肉，香草羊背肋，豚腩片，牛仔肉同埋生蠔。

第三碟有燒菠蘿，日本大蔥，翠玉瓜，茄子，秋葵，同埋沖繩鱈魚片，仲有蒜蓉法包。

前菜方便我哋叫咗呢個蒜油冷麵，蒜油真的十分香口，麵質亦爽口，吃下清爽又惹味。

食燒烤嘅點可以冇左最好嘅朋友可口可樂呀！

將一串串嘅生料放上燒烤爐，不消一會便有香口好味嘅BBQ串食啦^_^

生蠔不算十分肥美，但係燒起來味道亦都鮮甜好吃。

呢個係雞皮來的，實在太邪惡囉！不過呢個係廚房燒出嚟嘅唔係我哋自己燒㗎，燒得香脆又甘香，不過真係唔夠膽再食第二串呀！！

墨魚咀燒到香香的，咬下脆卜卜真係勁好咬口呢。

燒大蔥係我嘅favorite，車媽媽最鍾意啲蔥薑蒜越臭越喜愛！大蔥燒熟後一啲都唔辣，又香又甜真係好好吃^_^

雞心燒起後外面煙韌內裏粉粉的，口感非常特別，有佢本身嘅香味根本唔需要落醬汁，而雞腎亦都係車爸爸嘅最愛，貪其爽口又好趙頭但又唔韌。

呢個說魚片就精彩啦！將佢輕輕燒至金黃，日式燒汁同蜜糖好吃到你難以想像*^O^*

而呢個叉燒經醃製過的，我個人喜歡食原味嘅豬肉，這個味道我唔係好食得慣呢。

而車爸爸嘅牛肩肉他說十分之好吃，牛味不俗之餘亦都夠淋滑。

燒茄子外面乾身入面好軟滑，配合少許日式麵豉醬我覺得好好味喔！

秋葵更是我倆最愛嘅蔬菜，不過燒還是第一次吃，估唔到口感亦不錯外面脆脆的，內裡還有我們喜歡的滑潺潺感覺好好味呢。

蒜蓉包烘得香香脆脆，熱辣辣咁放入口哪有不好吃的道理呢。

第二輪點咗豚肉韭菜餃子，札幌蝦卷，魚磚，多春魚，墨魚鬚和豬頸肉。

仲有三文魚骨，牛舌心，黑豚柳片和青口。

我將蝦捲和魚磚串埋一起，做一串有個性嘅串燒haha，蝦卷味道很出色，質感亦好彈牙，而魚磚就比較富咬口，味道也不俗。

多春魚燒香後搽上燒汁和蜜糖味道已十分好吃，最緊要就係佢十分多春，喜歡吃這魚的朋友就會明白箇中樂趣(^_-)

我同車爸爸亦都最推介係呢個魷魚鬚，燒熟後爽口彈牙又唔會靭兼有魷魚香氣，呢個唔食真係走寶喔！！

黑豚柳片係我另一推介，豬肉味香氣而不騷，肉質軟滑，燒香後加點辣麵豉醬好吃到不得了^_^

再點了蕃薯仔，車厘茄同埋再encore坦我最喜愛的菠蘿。

菠蘿燒起後香甜好吃，但我略嫌他實在切得太薄了！

車厘茄咬下鮮甜爆汁口感十分爽呢(╯з╰)

呢隻日本番薯仔喺放題食唔少啦，不過通常都係廚房煮出嚟畀我哋，但係呢度我可以自己控制燒到多香才吃，這便是自己燒野食既樂趣啦。

之前吃咗個蒜油冷麵味道不俗，所以試埋呢個秋葵冷麵，食落有少少日本芥辣嘅味道，又别有一番風味喎。

呢個雛雞都係廚房燒出嚟嘅，簡直係當晚嘅高潮，雛雞燒到皮脆肉嫩，肉汁非常之澎湃，香口惹味得很味道超讚*^O^*

大家看到那份仙氣了嗎？

車爸爸對佢真係愛到不得了，瘋狂哋扯他的美腿哈哈！

最後再返兜一啲我哋認為好吃嘅食物，看我哋戰績多彪炳，最後食到飽飽咁返屋企啦。