我和豬肋骨的約定

荔枝角對我來說係一個工作了三年的工廠區地方，近年皆因土地問題這片工廠區內的工廠大厦巳變成不少臥虎藏龍食肆的棲身之所，這夜便到一家在香港區的Buger店的分枝The Americano嚐一頓美式風情大餐。

位於億利工業中心的The Americano,裝修帶點工業風味, 跟大廈風格如出一轍。

食物方面Burger共有六款選擇，除咗必有嘅牛肉外，還有燴豬絲漢堡，鵝肝漢堡甚至乎烤雞漢堡都有，最貼心係素食者都有素食漢堡可選啊~

除咗漢堡之外仲有啲特別嘅推介,我一見到有Nachos雙眼又即時發光呀！另外仲有炸魚薯條同埋卡羅萊納燒烤骨呢！

另外仲有不少選擇嘅Brunch Menu，All Day Breakfast，Egg Benedict應有都盡有喔。

{焗墨西哥芝士粟米片}$108，一上檯大家都嘩聲四起 ，粟米片上有雞絲，辣肉腸粒，青辣椒片，水 欖，車打芝士，煙燻豆泥，牛油果醬同埋酸忌廉，豐富到不得了。

呢個真係好鬼誘惑，芝士片沾滿所有嘅材料又香又滑又脆，口感即係正到不得了，呢個moment真係想飲杯啤酒喔(^_-)

{卡羅萊納燒烤骨}$178都超有水準，巨大嘅BB豬肋骨充滿燒烤醬香甜味道,配埋香脆嘅薯條同埋酸微微開胃的捲心菜沙律，吃得我好滿足呢！

{美式班尼迪克蛋}$88，荷蘭醬做得都幾香滑，切開流心嘅蛋黃配埋煙肉鬆餅同吃總是令人愜意的！

雖然我唔食牛肉，但係呢個德州燒烤漢堡，各位好友都豎起手指公讚好吃，大家如果去試記住要吃呢個Texas BBQ Burger呀。

我就當然最鍾意食佢伴碟嘅酸青瓜啦，真係百吃不厭㗎*^O^*