小店的快樂

車媽媽從來都十分支持小店,好友在紅磡吃了一間質素不俗的小店,即刻通知我當然打鐵趁熱約齊一衆好友去捧場,就係這間Cook King Cooking如果大家懂去名店加太賀便很易找到Cook King Cooking架喇!


小店座位不多過30, 這正是我最喜愛嘅地方夠晒親切。
Open kitchen不大,但係佢哋做出嚟嘅菜式不下於大餐廳廚房出品,事關這裏嘅老闆係由大酒店出身,來到紅磡這可愛嘅地方開設小店,煮西日式Fusion菜。
先飲杯特色飲品先藍牛$42跟餐+$15便可,黑牛,金牛都飲過, 藍牛真係第一次試咋!
海藍色的特飲看上清涼,喝下味道香甜,還配上一球荔枝雪糕,味道真不錯耶。
餐廳近排選用加拿大海膽泡制一系列嘅海膽菜式,第一道前菜係海膽流心蛋$66/2件。
日式嘅溫泉蛋上鋪滿粒粒脆卜卜嘅蟹籽,還有一大片嘅加拿大海膽在面頭,這樣豐富的魔鬼蛋當然要一口咬落去啦,口感非常滿足呢!
 啤酒炸雞翼$58/8件,呢個雞翼我覺得十分抵食,咁既價錢足足有八隻重要係大Size嘅雞翼呢!
雞翼外皮炸得好酥脆,或許正是啤酒嘅用處,而雞翼都炸得剛剛好,內裡還是有不少肉汁。
是日餐湯南瓜忌廉湯,入口非常香滑,南瓜味十分出色,最重要既係熱燙燙的奉客,加分不少啊!
BBQ燒豬肋骨$228,去到邊度我見到豬肋骨都會點來吃的,這兒的豬肋骨味道很濃香,肉質淋而不爛,伴碟嘅薯角粉淋有薯味,我挺喜歡這菜,但如能調味輕多一點,更能表現最美的角度。
海膽地中海薄餅$288/8吋,呢個西日 Fusion Pizza 一上枱已很吸睛,因為數不少大大瓣的海膽佈滿在薄餅上。
除了海膽仲有不少嘅海鮮同菠蘿,果然充滿地中海風情,餅底都夠薄脆,吃落真的十分滿足!


最後到甜品喇,鐵板香蕉朱古力Pizza配雪糕$58,薄餅上有香蕉,棉花糖同一球雲呢拿雪糕, 餅底熱烘香脆配襯上面凍冰冰的雪糕,冰火的口感好過癮呢。
這裡須然店子小小,但出品不下於大餐廳,見店員各自協調得宜,沒有亂糟糟的情況出現十分合拍,希望它能好好經營下去,不要給地產霸權扼殺便好了!!

留言

張貼留言

熱門文章