擦蟹夜

由九月起銅鑼灣維景酒店的繽紛維苑推出深秋蟹蒸自助晚餐，星期一至日成人$428/位，長者及小童$328/位，便可無限享用大閘蟹，燕窩美點及各種矜貴海鮮，M5和牛，即煎鵝肝，黑毛豬火腿等，愛蟹人仕要留意喇！

先介紹來自江蘇的大閘蟹，源源不絕的供應，蟹身也不細起碼有三兩半大，都算不俗呢。

燒牛肉，配菜的南瓜十分好味，平時最憎南瓜的我也吃了不少呢！

熱葷區有香口的酥炸墨魚餅。

還有飽肚的白飯，炒飯撈咖哩一流。

惹味的巴東牛肉，香辣雞翼，蒜子燒沙甸，XO醬炒鮮魷。

蟲草花蒸龍脷柳，菜膽雞，風味串燒

即烤BBQ有生蠔，羊架，M5和牛及海蝦。

這也不夠滿足嗎？還有即煮的中西式粉麵！

潮式魚蛋河外貌好像不錯呢！

餐湯係香滑的野菌忌廉湯和滋潤的雪梨瘦肉湯。

凍海鮮中有翡翠螺，蝦肉，海蝦，龍蝦，龍蝦鉗，雪場蟹腳及青口。

最特別的是連大閘蟹也跳入冰雪世界，做隻凍蟹！

沙律區就貴精不貴多，有我大愛秋葵，粟米及鷹咀豆及新鮮沙律菜已夠我快樂。

刺身有三文魚，魚，北寄貝，赤貝及八爪魚，甜蝦及醃帶子。

冷盤有煙三文魚及各式凍肉。

當然還有我的至愛風乾火腿及莎樂美腸！

芝士拼盤亦十分豐富 足足有七款咁多 當中有我最愛的Camembert和蒜蓉芝士呢！

同樣無限量供應可以配風乾火腿的雪梨酒，同埋配芝士的砵酒。

甜品亦都十分多選擇，有啫喱，奶凍，椰汁黑糯米布甸，木糠布甸和涼粉等等……

而這個自助餐更會供應燕窩點心 如燕窩葡撻，酥皮燕窩撻。

仲有芒果拿破崙，朱古力蛋糕和士多啤梨蛋糕。

還有上一次冇試嘅馬卡龍，同埋朱古力泡！

唔喜歡西式還有中式糖水有白果腐竹。

當然唔少得任吃的大師雪糕，仲有4味可選呢！

新鮮香甜嘅生果，仲有我最愛的菠蘿。

另外還有不少款式嘅蛋糕，較特別嘅有牛油乾果蛋糕，同伯爵茶慕絲蛋糕。

這個香蕉班戟都味道不俗絕對要重溫一下呢！

喜歡懷舊的朋友必定喜歡這個Corner，內有珍寶珠，陳皮梅，山楂餅，白兔糖，可樂糖等全部充滿童年回憶！

自助餐亦會供應果汁任飲，有蘋果，西柚同橙汁。

喜歡熱飲嘅亦都有奶茶，咖啡可以自己沖調，另外更配備薑茶給客人吃完大閘蟹暖胃添！

喜歡飲兩杯嘅朋友更加可以加$88無限暢飲各款紅白名酒！

好啦介紹完畢到我開餐了Yeah~

話明來食大閘蟹，當然率先擦蟹啦！

今年天氣較遲凍，所以大閘蟹都唔算好爆膏，但係這夜質素吃的已算不錯了！

自己堆砌一碟精選沙律，當中梗係有我最愛嘅風乾火腿配菠蘿啦，還有我最喜歡吃的秋葵。

而刺身方面質素亦算不錯 ，看上去色澤光鮮，吃下亦都鮮味不俗。

凍海鮮方面最值我欣賞嘅係，鮮甜的海蝦，肉彈味鮮，另外就係多汁嘅雪場蟹腳。

而BBQ方面我試了燒生蠔，燒出嚟嘅生蠔都算大隻，沒有縮得很細， 吃下都有蠔香。

而燒海蝦肉質爽彈，味道鮮甜，這個十分好吃。

邪惡之物即煎鵝肝我當然唔食啦，但係望上去個樣好似好好味呢！

這夜吃了很多蒜蓉芝士，真的大滿足呢！再試了香滑菜膽雞，惹味的新疆串燒及蒸魚柳呢！

飲多碗什菌忌廉湯，便快快進入甜品時間喇！

甜品只取了少少，大師雪糕當然要食啦！揀了酸甜的士多啤梨味，同埋重溫好味的香蕉班戟，仲有滋潤的燕窩葡撻，和一些懷舊糖果，真的超級大滿足的一夜。

差點又忘記吃馬卡龍，小小的一口馬卡龍，質感都算鬆脆，而且不會過甜，我覺得幾好食啊~

而餐廳會喺八點半推出特別的甜品，這夜係燉奶，記得上次係抹茶燉蛋，都幾有驚喜吖！