20 10月, 2016

鴨王之約

車婆婆同車公公呢個星期天要去飲,所以造就咗呢個拍拖日,當天瞓到夠皮便出灣仔嘆個下午茶做早餐之後便去找鴨王。
聽聞金鳳茶餐廳金鳳的奶茶好有質素,尤其係無冰的凍奶茶更正,可惜吃罷才知道呢嘻嘻!


營養快餐{沙嗲牛肉麵餐}$37,那沙嗲汁香到不行,我起勢咁偷車爸爸的麵吃,麵質亦淥得剛好唔會淋pat pat,充滿童年的味道。
很久沒吃火腿意粉就要份{火腿意粉餐}$37,火腿份量慷慨,可惜意粉偏淋,湯亦沒沙嗲牛咁惹味,但清清哋也不錯!
跟餐有牛油餐包,另可加$3轉菠蘿油,一於邪惡一番啦~
菠蘿包質地鬆軟,面層菠蘿皮酥脆香甜不易散,夾上香而不羶的軟滑牛油,人間極品啊!比起金華的出品更討我歡心呢。
凍檸茶+$2都清香好喝,整體表現上佳,吃罷時才見到新鮮出爐的菠蘿包和蛋撻勁想吃囉,即時約定車爸爸下次再來*^O^*
吃完茶記後車爸爸便陪我去赴約鴨王,哈哈講緊係DK Cuppa Tea新推出的{浮遊童心}下午茶。


配合沖涼主題,我仲粉墨登場獻出出浴照一幅呵呵……
浮遊童心下午茶$298/位,先品嚐這款{Mojito雪葩},味道酸香清新用來喚醒味蕾十分稱職。
而今天的配茶係{香茅檸檬桃茶},味道芳香,喝下順喉,而且經多次沖泡也能保持味道。
而下午茶賣相可愛之餘亦蘊含分子料理原素,而茶杯內那泡泡經我們影相亦久久不散喔!


而杯緣的黃色小鴨原來係橡皮糖來的,味道極像乳酸飲品,吃下煙韌甜美,好有親切感呢!
先吃鹹點有{加拿大蟹鉗},{美國東岸的海鮮芝士釀麒麟蚌}。
熱烘烘的麒麟蚌,面層有焗得香脆的芝士,內裡混有甜椒及蚌肉好豐富啊!
而加拿大蟹鉗都夠Juicy,而且蟹味亦算不俗呀,看鴨子也想吃呢!
繼而呢個可愛的沖涼缸盛載著夢幻的泡泡,造型細緻非常,原來泡泡下是數款{德國香腸}來的。
香腸外皮脆卜卜的,而肉質紮實,味道適中不過鹹,好夠質素啊!
仲有{迷迭香牛角包},再次重溫仍是那麼鬆軟味美。
{檸檬杯子蛋糕}的檸檬忌廉清香不膩,係略嫌蛋糕不夠濕潤!
{檸檬黃鴨馬卡龍}質感輕脆,蛋白餅不會超甜很可口的。
{泡泡玫瑰奶凍}撥開泡泡竟發現係美美的粉藍色,吃下帶幽幽的玫瑰味和奶香,質感挺滑溜呢。
{鴨仔曲奇}造型神似黃色小鴨十分可愛,吃下曲奇都脆口,但鴨仔較奀皮要花點牙力去咬呀!
到大大小小的{黃色鴨仔白朱古力},中正車媽媽下懷,白朱古力係甜架,唔受得住的朋友咪話人唔好食呀!


我一個人將人哋一家三口滅門,真的罪孽深重,原你們好好安息在我寬敞的肚子吧!你們的犧牲是值得的哈哈哈哈.........


吃罷下午茶我跟車爸爸走咗去海傍陳記吃車仔麵。
內裡環境光猛裝修簡潔,比一般車仔麵店坐得舒適。




食物種類十分多,左揀右揀後終於選出心水。


先飲打鹹檸七爽一爽先~


{招牌車仔麵}$40內有豬皮,豬紅,大腸,魚蛋,蘿蔔及雞翼尖,好豐富呀!
湯底都幾清,沒多覺*師傅*味,喜歡清淡的朋友一定喜歡這兒的車仔麵。
當中其貌不揚的魚蛋味道,質感都很優秀,另外豬大腸亦富腸香,淋身好吃,而其它餸料都算正常。








我另外選了{生炸雞脾麻辣撈韓國粉絲}$48,大大隻炸脾即炸上檯好吸引呀^0^


熱辣辣將雞脾放入口,雞皮口感香脆但靠邊有點厚硬,內裡肉汁豐腴,可惜未算入味!


而韓國粉絲撈了麻辣醬後吃下挺爽口,敗在麻辣醬辣度唔三唔兩攪到兩頭唔到岸!
吃飽飽後走到西環碼頭聞聞海水味,便跟車爸爸搭叮叮去中環轉港鐵回家喇。

4 則留言: