四個女人的浪漫

一個平淡的夜晚車媽媽相約三位靚女同來一場四人的浪漫。

我哋選了位於天后木星街的ROJO，型格的門面內裏賣的是我最喜歡的西班牙菜。

餐廳內會見到不少酒樽裝飾物，然而這裡的而且確係一個飲酒的好地方。

最吸引我當然係西班牙嘅風乾火腿啦！我真的覺得我們前世係仇家呢！

既然餐廳係飲酒嘅好地方我當然要飲番杯啦！選了一杯名為{Cosmopolitan}$68的粉橙色Cocktail。

這杯酒聞落如天使般帶清香生果氣味，但喝下味道就像魔鬼般刺激，酒精濃度不少呢，不勝酒力的朋友要小心啲呀！

{Tortilla}$68煎至香香的玉米餅挺可口的，內裡帶軟軟口感零舍新奇。

{Iberico Ham}$138，48個月的風乾火腿味道鹹香有致，但我就略嫌未夠柔潤呢！

{Puipo Potato}$88西班牙菜我最喜歡吃就係八爪魚，八爪魚口感煙韌加上粒粒軟糯薯粒可口得很，作為一個前菜十分不錯呢。

{Garlic Chicke}$168賣相超美的蒜片雞，面層鋪滿我最愛的香口蒜片，配上BB椰菜和小甘荀及車厘茄，未吃已口水流流了！

先要稱讚一下蒜片炸得酥香好吃，絕沒半點苦澀味，另外我食到雞肉嘅位置亦都十分入味嫩滑，這個雞我好喜歡喔！

女士們冇返個甜品做結尾心情那會好呢！這個像外太空般的甜品係{朱古力拿破崙}$68，朱古力醬都幾香濃，而且唔會太過甜，作為這夜浪漫的結尾也算稱職呢！