14 11月, 2016

出色的雞

韓風未了緣,這天午餐忽然雞癮起,在飲食網站發現這間Sodam Chicken便拉車爸爸同我去吃雞嚕。


坐好後先嘆杯靚靚飲品,{提子特飲}$58。
賣相超級可愛的提子特飲,味道其實係黑加侖子味梳打,還附上一枝七彩繽紛的冰棒在內,好喝之餘還有冰條可以享用,驚喜之作呢!


而車爸爸見到這個{檸檬燒酒}$78,忍唔住中午就要劈返一杯。
檸檬味清香不假,燒酒味道淡淡的,就算唔識飲酒的朋友應該都冇問題呀。
一見到有我最愛的{韓式涼拌水冷麵}$80,便毫不猶豫地點上它。
水冷麵內有不少蟹柳,青瓜和蘿蔔絲,另外還有一顆烚蛋,這個水冷麵係未經調味㗎!要加上下圖的醬汁自行調配味道。
跟水冷麵會附上芥末汁,香醋和甜辣醬,可憐的車爸爸不吃得辣所以甜辣醬下不了,只能加少許醋和芥末汁但就沒有鹹味了,所以對他來講應該唔會太好食了haha~
接下來係車爸爸選的{首爾風味焗雞配蒜蓉芝士醬}$158。
真係要一讚這兒的焗雞,皮香肉嫩又多汁,這一籃10少件的焗雞,轉眼間全數給我倆掃光!
不過跟雞附上的蒜蓉芝士醬,對我嚟講有點蘇,不是我杯茶呢!不過唔緊要焗雞淨吃已經超足味了。
另外還點多一份{韓風燒豬仔骨拼泡菜沙律}$120(標準分量),肉味不算十分突出,但係用上充滿香甜味的甜辣醬,還是惹人喜愛的!
其實本來想點這個芝士火鍋,不過需時30分鐘的等候,這天我們沒這樣的時間,唯有下次再來試吧!!

8 則留言:

  1. 聽講依度炸雞都好好食 ;)

    回覆刪除
  2. 雞同ribs睇落都好正呀,尤其係雞翼,真係食極都唔厭架!

    回覆刪除
  3. 好邪惡呀)))))最想食炸雞
    OPPA靚唔靚仔架?^^

    回覆刪除
  4. 仲以為會“全部都係雞”o黎,哈哈

    回覆刪除