12 11月, 2016

不止足球的阿根廷!

阿根廷呢一塊土地在車媽媽嚟講認識只限於足球,未能暢遊各國十多年的我確實孤陋寡聞,原來阿根廷的葡萄酒品質亦都十分出色,這天便受邀U Lifestyle到Grand Hyatt出席*香港阿根廷節*嚐味阿根廷,好好認識當地的美品酒文化。

到場時侍應送上一杯顏色美艷的Welcome Drink,為這夜美酒之旅揭開序幕。

再由主辦單位介紹香港阿根廷節的精彩內容(詳情按此) 

接下來便由葡萄酒顧問*陸潔珊*小姐詳細介紹葡萄酒以及在阿根廷的經歷。

認識完一輪關於阿根廷的資訊後,我哋便移師至試酒場,各葡萄酒分銷商經已在等候我們來品嚐他們的美酒。
第一枝品嚐嘅係Susana Balbo Barrel Fermented Torrontes,素聞這酒用橡木桶發酵三個月出來的,入口感覺好有異國嘅情調,富蜂蜜和香草味,交織入口很微妙還帶點優雅呢。

不過全晚令我最心醉的是這支Benmarco Expresivo充滿黑莓香氣的紅酒,酸度平衡得自然,而且單寧不高超好入口,我相信用末配芝士或肉類一定更加出色,最後因為實在太欣賞它我跟好友也各自訂了一支送給身邊的最愛呢!

有美酒當然少不了美食啦!酒店方面亦都安排了不少精緻的小吃給我們,而這款帶子鮮蝦柚子沙律係我全晚最喜歡的。
另外還有牛尾餡餅,特色阿根廷香腸三文治,還有生蠔呢。


而且大會仲好貼心咁安排了菠蘿雪葩,給我們一衆賓客清清味蕾方便試酒。
還有一款甜品係朱古力拿破崙,不過是日走三場實在太飽了!經已無能為力去欣賞它喇。
跟好友們影幾多幾張靚相,便滿足備打道回府啦!


2 則留言: