12 11月, 2016

韓風到,打邊爐!

韓氣迫人的時勢見大家炸雞又炸雞,難度韓國炸雞及四皇子外真的沒有其它嗎?那又未必打邊爐大家點睇!近日比我發現呢間The Joomak日光日白有得打邊爐,仲要有龍蝦又有人參雞問妳怕未!!
The Joomak位於海港城內的LCX,地點算是好找了!(從來在海港城都盪失路)
餐廳內裡環境較富現代感,所以吃的亦是新派韓菜喔!


值得一提這兒還有無敵大海景送贈,可惜當天有點灰蒙!




記得那天天氣還未算冷,一於要杯菠蘿薑沙冰$58爽吓先!
這杯菠蘿薑沙冰影真夠薑,而且加上我最愛嘅菠蘿我十分歡喜呢,沙冰質感好綿密,沒有太大冰感,質素唔錯喎!
先吃韓式牛肉卷(左)和什雜菜煙肉卷,車媽媽從來對韓國紫菜卷都有情意結,有時候恨食到走去7 -11買條來吃呢!
我試了雜菜煙肉卷,質感紮實而不過硬,加上大量蔬菜食落清爽又健康。
這個樣貌嬌艷的Roselle Chicken$138,係餐廳10-11月供應的特別炸雞來。
炸漿香脆不厚身,內裏的肉汁豐盈,加上特別的洛神花汁,出來效果估不到的相夾真的好和味呢。
話咗要來打邊爐當然要叫湯底先啦,好友選了人參雞鍋$238足料非常的人參雞鍋用上法國春雞零舍矜貴,而且還有原條人參與及不少滋補嘅杞子,未食都已經覺得好補。
喜愛吃辣嘅車媽媽就揀咗泡菜大蜆蕃茄鍋$158,紅彤彤的番茄泡菜鍋味道微辣,加了番茄鮮味更加出色,內裏的大蜆更鮮甜非常,好期待用嚟打邊爐呀!
選好湯底後當然要揀生料打邊爐啦!看見這個龍蝦火鍋拼盤$498好多嘢食喎就揀佢啦!
這個龍蝦套餐包括有原隻新鮮龍蝦,鮮甜大蜆,美國肥牛和豬腩片。
另外還有自家製泡菜墨魚滑和鯪魚滑,五蔬豬肉腸,南瓜,紫薯,粟米,脆肉瓜及豆結,最後還有矜貴蔬菜如冰菜和羽衣甘藍等……
幾位好友喜歡食牛肉,當然會錯過空運頂級1++韓牛(大)$388,另外再點多顆鮮嫩雪耳$58。
呢個好似炸魚皮一樣的其實係自家海苔米漿片$18,炸脆紫菜上釀入米漿,用來索味一流,只須輕輕一灼便可,吃下輕脆香口,大家來一定要試吓真的好特別。
 再點多碟水晶冰菜$38,和羽衣甘藍$38,這兩款菜真的百吃不厭呢!
那隻生猛的龍蝦頭一半放入人參雞鍋,另一半放入泡菜鍋中,出嚟顏色一紅一白十分趣怪。
除了鮮味十足的龍蝦肉外,索盡泡菜蕃茄湯鮮味的龍蝦頭內有不少蝦膏,吃落甘香惹味,真的十分享受呀!
打完邊爐其實真係好滿足!但係呢度有我最鍾意嘅什炊,芝士紫菜飯$58。
侍應會將打完邊爐的湯底倒剩適合的分量,然後加入白飯,紫菜和芝士煮到濃稠後便可大快朵頤了!
我哋選了惹味的泡菜蕃茄湯來製什炊,加入芝士,紫菜和飯素後和味得可以,最終全數入肚嘻嘻!

都係嗰句啦幾包都要食甜品㗎嘛最多食一款嘅啫!最終選了芝味火山塔$38,這個甜品侍應介紹十分過癮,佢話你如果想食雪糕嘅質感就要趁凍即刻食,但係如果想食芝士蛋糕質感呢就將佢放一陣才吃,便會吃到兩種口感出現!
火山塔面層係輕身脆口的酥皮,內裡包裹著半抹茶雪糕半冰鎮了的抹茶蛋糕,吃下真的很有雪糕蛋糕的質感,而且伴有西柚及抹茶醬可增強味道,另外那件焦糖香蕉亦香甜可口,成件事好鬼豐富呢。

4 則留言: