10 11月, 2016

緣份囍碟

記得曾經約過到這間囍碟 Hei House吃飯,及後為*一男子*因素而告吹,無緣一嚐,但緣來卻是沒法擋,最終也在這夜收成正果。
位於利東街內的囍碟,門面極盡西化,內裡吃的是多國菜。
餐廳感覺較現代化,粗獷的石屎牆上掛滿不少油畫!


最吸睛還是這盞碟燈,用上碟子圍成燈飾造型好別緻呢!




欣賞完餐廳裝飾後便跟友人各自選擇心水美食。
HEImanba$58菠蘿加石榴味梳打特飲,清甜爽口極為容易就俘虜車媽媽的心呀。


牛油果味蟹肉沙律$108,賣相很富東南亞風味,牛油果未至熟香但加上鮮味蟹肉和脆條口感零舍豐富。


喇沙蝦牛油果沙律炸雲吞$98,這款雲吞盞造型趣緻非常,令我蠻期待它的口感和味道。
雲吞皮以盞造型盛載著惹味爽口的喇沙大蝦,刺激香辣誘人非常,雲吞皮超級香脆又不油炸功不俗呢。
秋季松露野菌油酥薄餅$108,將傳統的麵粉製薄餅改成油酥薄,又十分合拍喎!加上松露野菌吃下不油膩反而帶點清新的感覺。
鹹蛋黃豉油黃炒麵$78,邪惡軸心莫過於它,鹹蛋黃均勻哋纏著麵條,乾身得來入口香濃,加上大量芽菜配合吃下出奇的不膩很是驚喜喔!!
火焰沙嗲雞串$78,四串雞肉用上小火爐奉上卡娃依呢!雞肉沒有因此變老之餘還能保持溫度,淋上香甜的沙嗲醬確是惹味。
最後吃碟飛天通菜$68平衡一吓先,通菜沒變黑好靚仔,用上香口海味加上良佳鑊氣,不消一會全數清鑊,美味程度可見一斑。
甜品十分發人深省它叫甜酸苦辣,喺我哋五味紛陳嘅人生中擔當咗好重要嘅角色,有了這四種感覺人生才算完滿,每個人都必須經曆過,我正正可以在今日重溫亦都係一種緣份!
車媽媽份人都係唔捱得苦喇!決定先甜後苦所以第一個吃的係雲呢拿雪糕 ,用迷你雪糕筒裝上附有雲呢拿籽的雪糕質感香滑,而且少少的一個也不怕太漏,這樣安排不錯耶。
到酸味就係呢個極度可愛的迷你菠蘿包,內裏夾著那件非牛油也而係我最喜愛嘅菠蘿呀!
迷你菠蘿包真係可愛到唔捨得食呀!咬落去口感咁都好特別,配上真菠蘿嘅菠蘿包真係第一次食呀!
我份人總覺得吃完酸物再吃點苦的較為合我心水,一杯充滿玉桂香味辣的香料酒雖然非我杯酒,但係入口味道真的十分特別呢!
最後便品嚐苦的滋味,用上黑朱古力加松露做成的朱古力球,我覺得解膩十分適合,就係呢一點苦將我哋今夜晚餐完滿哋結束了。

4 則留言: