用心💗絕對吃得見!

是日跟車公公,婆婆請了假,跟車爸爸去撑檯腳💏選了Amitie Kitchen吃西餐🍴
位於亞士厘道上樓的餐廳,沒有華麗的裝飾反而帶一絲小店風情,吃得沒那麼拘緊,車爸爸也樂得輕鬆舒適!。
坦白講看餐牌價位不算便宜但亦不太貴,要看看質素後才能定奪是否抵吃了。


先上給我們餐包絕不欺場,內裏最有三款之多,包括有無花果包,麵包脆條還有墨汁包呢!
三款麵包各有質感,我最愛嘅係墨汁麵包🐙,質感軟綿充滿彈性,而且吃得到有墨汁嘅鮮香味。
接著要吃Appetizer我們選了{香草白酒忌廉汁法國藍青口}$128,還配有蒜蓉多士呢。
忌廉汁煮得香滑濃郁而且不會過膩,加上軟綿綿的藍青口簡直係絕配,大家千萬別嘥掉那汁呀用蒜蓉包點來吃簡直係人間極品呢。😋
另一份前菜係{香煎北海道帶子伴黑松露油醋汁}$88。
黑松露油醋汁味道十分出眾,香中帶微酸後開胃口,新鮮沙律菜都好吃非常,如果帶子能夠再軟滑多一點便會更加完美!
到我最愛嘅西湯出場了,我哋各自揀選了栗子忌廉湯和蟹肉牛油果青瓜凍湯 ,兩款都不是常常有機會喝到的。
先講下{蟹肉牛油果青瓜凍湯}$58,大廚將蟹肉青瓜粒放在碗邊,讓客人自己倒入青瓜凍湯,除了喝湯外還加多一點趣味。

味道方面青瓜味會較牛油果味突出,但係質感就好滑溜,而且蟹肉係用鮮貨🦀,我就覺得呢個價錢係十分之抵飲囉!
而{栗子忌廉湯}🌰$68內裏還有巴馬火腿脆片同埋松露油,一上枱那份香氣真的十分之迷人😍,同樣哋質感亦都係滑溜非常,而栗子味都好出,成件事好圓滿我十分喜歡。
品嚐完好味前菜和湯品,便正式進入主菜階段,我喜歡吃意大利麵當然要選份{海膽忌廉汁扁意大利麵}$138。🍝
用上大大瓣的海膽炮製而成扁意粉咬口不俗,加上香濃滑溜的海膽忌廉汁好幸福呀💗!而鋪面的海膽亦都鮮甜無比,對得住他的價錢有餘喇。
另一份主菜比我們的驚喜就更加震撼。💥
這客{黑松露法國有機雞腿意大利飯}🍗$228,意大利飯口感恰好,還帶少許米骨,是我最喜歡的質感,而且黑松露的味道超足,吃得我好鬼滿足。
另外那法國有機雞腿更加係精彩之作,外皮香煎過後帶焦香嘅雞皮已經夠惹人垂涎😋,再加上內裏的雞腿肉嫩滑又多汁,味道十分之自然沒有多餘嘅調味,絕對係靚貨的表現。
輪到甜品驚喜還是沒完沒了啊~這個{伯爵茶奶凍}$38,講緊係38蚊嘅價錢,但絕對係酒店級的水準囉。
先係那個精緻的茶杯已經十分吸睛,再加上茶味香濃質地滑溜的奶凍,成件事簡直係美妙無瑕,我真係講唔到您知有幾好味,您自己去試下啦!

吃完呢一餐我真的覺得餐廳老闆 十分出色,除了他的煮功了得外,最重要係佢將所有價值放咗喺食物之上,而非餐廳的裝修門面,呢一點我係好推崇的👍,雖然環境靚會令食物加分,但係始終放入口👅嘅食物我相信用我的味蕾去感受,總比用眼睛感受來得更加真確,希望餐廳加油努力💪,Keep好水準,我定必會再返嚟幫襯喔。

留言

張貼留言

熱門文章