再一次快樂!

自從今年四月跟它一遇之後,車媽媽其實已深深愛上了它💓,時而掛念它的身影,時而掛念它的味道。
大家請放心我並無變心,人我當然最愛車爸爸,但講到食我就花心得很,如革新會食堂便是我其中至愛,自從第一次相遇後,事隔數月已經急不及待回來重溫它的美味了。
好期待這樣會有咩新菜式給我們品嚐呢?先來小吃前菜吧!涼拌青瓜味道味道酸香,入口爽脆,作為前菜打開胃口稱職非常。
接下來係熱辣脆口嘅春卷,不帶半絲油膩感,入口脆卜卜熱辣辣,送酒良伴。
吃罷美味的前菜到主菜出場了!朝鮮蝦🍤上一趟我哋偷偷看,偷偷望再偷偷試咗少許驚為天人,今次終於比我吐吃到喇!
用上大大隻嘅爽口海蝦炮製而成,味道鮮甜到不得了,而且入口係極之彈牙好鮮味㗎,不過唔好問我點解叫朝鮮蝦我答你唔到㗎😅。
接下來係功夫十足的桂花瑤柱炒粉絲,粉絲炒得爽身不油膩,入口唔會乾爭爭,內裏還有大量鮮甜紅蟹肉🦀,好吃得令人屏息靜氣,生怕香氣白白流走,而這菜需要嘅功力真的少一點也不能成功💪。
今次再重溫骨香䱽魚球🐟,但係這次我哋聰明咗,要求佳哥不要將骨肉兜亂,這樣香炸魚旗的位置就更顯香脆可口,不過這趟魚球我就覺得重口味咗少少!
咕嚕肉就精彩了,今次指定用豬頸肉泡製,面層不厚粉,入口肉質脆彈而不肥膩,味道恰到好處,人生最美味的咕嚕肉莫過於此。👄
清湯牛腩🐮當然我就冇吃到啦!不過見到好快清晒,我相信一定唔會差囉!
記得上一次嘅蝦子柚皮質素十分出色,這趟當然要重溫啦。
柚皮我覺得比上一次更加鬆化入味😋,當然在那香氣撲鼻的蝦子陪伴下,更顯這平菜貴煮的特色風味。
呢個新菜式叫做欖角香酥骨,車媽媽從來都喜歡吃欖角欖菜等醃菜,味道香中帶甜都幾夠特色,不過骨腩我個人就覺得偏肥🐖,但喜歡邪惡嘅朋友應該會十分喜歡它的。
脆皮炸子雞🐓我最佩服佳哥將冰鮮雞煮到新鮮雞般的味道,而且外皮酥脆非常,住家絕對冇可能做到這樣的效果,所以出街食飯係必須的。
多謝占占提醒要碟嫩綠青菜🌿減少罪惡感😅。
最後呢味友情餸鷓鴣粥,係佳哥特意為我們而設的,不論味道如何心中絕對係溫暖的。


其實到呢個時刻相信大家都已經十成飽,但係呢度嘅生炒糯米飯🍛冇得唔食,從來未食過好像炒飯般的生炒糯米飯,我只能在這裏吃得到,所以幾飽我係乖乖清碗㗎😆,仲有杏仁茶飽到相也忘了影哈哈。

留言

  1. 用豬頸肉嚟做咕嚕肉咁邪惡,真係少d勇氣都唔敢食呀,但我又好想試喎!;P

    回覆刪除
  2. 要係會員帶入去至有得食喎

    回覆刪除
    回覆
    1. 呢度唔係會員都得,不過晚上一定要訂座!

      刪除

張貼留言

熱門文章