"泰"驚喜

早在九月頭去過這間冬蔭公公試過他們的泰菜,質素挺不俗而且價錢不算貴,所以一定要介紹畀大家💁。
餐具用上一位泰國大眼仔做標緻可愛萬分,更用上令人易聯想冬陰功的橙色,好聰明的佈局👍。




食泰菜梗係飲啲爽口嘢啦!鹹青檸梳打$26味道調教得好唔錯鹹甜適中,如果碎冰可以少D就更加好喇。
來到冬陰公公冇理由唔整碗冬陰功湯呀嘛$40(小)🍲,呢度仲可以選擇大,中或BB辣度,今晚同車爸爸食當然要BB辣啦!又估佢唔到喎入口好濃香惹味,酸辣度恰好而且份量亦都好足夠好底飲呀。
泰式蝦餅$48/2件呢度係兩客來的,因為我好鍾意食蝦餅😀。
蝦餅炸得酥脆內裏鮮香口彈牙,質素十分之高必食之選呀😋。
馬來串燒海中蝦$86/6串🍤,海蝦燒得好香口還吃到輕輕觔咖哩香味,唔係就咁鹽燒,這個煮法我覺得好棧鬼喎。
我比較鍾意食粉麵所以揀咗呢個自選東南亞特色湯粉,湯底有三款選擇牛骨清湯,冬陰功湯同埋我揀咗嘅鮮魚湯$38,另外再點自己喜歡的餸料,清清哋揀了雞絲$12,炸支竹$9和豆卜$5共$64,鮮魚湯入口幾鮮甜唔覺有味精,本身湯內已有蘿蔔,金菇菜,芫茜,芽菜及乾蔥等配料,成件事都幾圓滿而且份量仲好足㗎。
車爸爸就揀咗佢最鍾意食嘅泰式海南雞飯$68,嘴刁的車爸爸仲加咗$8轉成雞脾添,雞肉都幾嫩滑雞皮亦夠脆口,配上對版的三色醬和一碗清湯,而油飯我就嫌佢唔夠油潤香口喇!

留言

張貼留言

熱門文章