星的光點點灑於E Molto

星的光點點灑於午夜,人人開開心心說說故事,偏偏今宵所想講不太易,遲疑地望你想說又復遲疑,大家聽過孫耀威這首愛的故事上集嗎?係90年代瘋魔一時嘅一首情歌🎶,點解忽然間會想起這首歌!皆因這天到E Molto Buono認識一位靚仔Waiter Kelvin,跟孫耀威的樣貌幾乎一模一樣,還要更加高大靚仔呢😍
餐廳主打意大利和法國菜環境十分之浪漫,小露台外的堅拿道天橋隨車輛往來散發著光影的璀璨畫面。





 而餐廳更有生蠔供應,真的未食先興奮,可知我最愛吃生蠔呢!
首先出場係麵包籃🍞內裏載著墨汁麵包,香草麵包以及芝士脆片,包身和暖墨汁麵包帶幽幽的鮮香味道,芝士脆片鹹香脆口好味道但必要忍口呀,還有不少美食等我呢!
這麼好情調當然要飲番杯酒襯託一下🍷,最重要係因為要食生蠔嘛!所以明明唔想飲酒的我都屈服於此😅。
這款白酒帶微微的果香,喝下口甜度不高,味道清幽雅緻。
唔好話車媽媽唔提大家呀!餐廳生蠔全部買一送一,咁抵食當然要揀兩款 來試試啦。
左手邊嘅品種係America Pearl$88/隻,肉身好爽滑唔喜歡食太濃烈海水鹹味的朋友最啱吃這款,而右手面這款係法國的Gillardeau$98/隻,肉質肥厚富海水味而蠔味細膩有層次,永遠喺我心目中都係Number One的生蠔👍。
Starter{香草虎蝦肉他他配玫瑰葡萄酒凍,鮮蕃茄沙沙},擺盤很清麗。
虎蝦肉質爽彈旁邊配有用Rosa造成的葡萄酒凍口感特別,再加上鮮甜的蕃茄莎莎,這個前菜挺得人歡心喔。
另一份{煙燻法國我胸肉配青紅蘋果芝麻沙律},這個顏色我覺得巳令人十分之興奮,嫣紅鴨胸肉真的較為少見,不止外貌吸引口感地十分趣緻,吃下又爽又脆的感覺還是第一次在鴨胸身上嚐到,蘋果沙律竟然用上芝麻醬 喺西餐會較為少有,但又頗合拍喎!這個前菜我覺得滿是驚喜呢。
Soup:這是我的{意大利風乾煙肉,栗子甜薯忌廉湯}🌰🍠,這湯栗子味十分之出,但係就給他蓋過甜薯味,但色調上就真係冇得輸了,粉紫色湯色很艷麗,湯內還有粒粒香甜栗子粒,成件事我也十分之喜歡呢。
好友選了{法式龍蝦濃湯}我試了一口龍蝦味都算濃郁而且沒有苦澀味,我覺得合格了!
Entree:{蟹肉焗釀大啡菇,配巴馬臣芝士菠菜忌廉汁}🍄,賣相相當吸引看到那金黃焦香的芝士已經令人垂涎😋。
切開大啡菇內裏爆汁非常,而且充滿蟹肉在內,加上鹹香芝士,真係好誘人啊~
邪惡的朋友當然揀{香煎鵝肝,配貴妃酒肉桂燴梨子},戒掉鵝肝的我看見亦都覺吸引,看上去鵝肝煎得香脆,而且還十分大件,見好友默默地在吃便知應該質素不俗!
吃完一輪豐富美食後侍應送上白桃雪葩🍨給我們清一清味蕾便要迎接極度好味的主菜了。
Main:這份係{焗釀法國鵪鶉,黑松露意大利飯,配香蒜炒菠菜伴迷迭香燒汁}$698,看那隻在起舞的鵪鶉腿多有動感,鵪鶉皮脆肉嫩又香滑,十分之好味道,可惜內裏的黑松露意大利飯就太過軟淋唔係好對我口味!
另一份係{慢煮西班牙黑毛豬梅肉,香辣南瓜蓉,蘋果醬配時令蔬菜拌伴車厘子燒汁}🐷$698,用兩個字去形容這個黑毛豬肉便是*精彩*
先講Presentations很少見豬主菜會擺得咁靚仔🐷,我覺得佢好有美感。
黑毛豬梅肉用上60多度的慢煮方法烹調,所以看上去還帶點粉嫩,外層焦香,肉質富彈性又淋又滑,而且肉味十分香濃,大廚將完美哋演繹出來,此豬死而無憾吧!
另外伴碟的車厘子🍒大家也不容忽視,吃下竟然有咖哩味道滿載驚喜,細問下原來車厘子係孜然粉去炮製的,所以吃下去會這出奇的味道,真的十分鬼馬而且還好好味呢。
最後甜品係栗子慕絲🌰,質感香滑的栗子慕絲已經叫人歡喜,再加上面層鹹味的脆珠,拼凑出的化學作用更加討人歡心。
吃了一場滿意的Fine Dining,用一杯玫瑰花茶🌹來作個終結,這樣更是完美。

留言

  1. 作者已經移除這則留言。

    回覆刪除
    回覆
    1. 份蟹肉大菇正到不得了,如果屋企嗰位唔介意拆蟹肉,我都唔介意整嚟食,哈哈!

      刪除
    2. 拆蟹肉也不難但呢D粗重功夫還是交比偉大的夫君吧!

      刪除
  2. 我都覺得個蟹肉焗釀大啡菇最吸引

    回覆刪除
    回覆
    1. 絕對正確,但黑毛豬的實力不容忽視!

      刪除

張貼留言

熱門文章