自家出品,零舍不同

這天的羅家飯就係為咗我自製醃雪菜而設的,話說過年前清麗村姑送了我 兩隻長得極像長江七號的七仔的可愛白蘿蔔過我,它頭頂的頭髮(蘿蔔葉)就畀我醃咗做雪菜,經過七七四十九日的磨練終於鍊成美味雪菜出來,今天便要將它煮成一頓美味的雪菜豬扒麵🍜。
除咗雪菜豬扒麵整多個前菜食下啦!即食海蜇頭係喺工展會買的,麻油味超香入口都好爽脆,久不久吃一次也不錯。
這碗就係我的自家醃製雪菜,我將佢用蒜蓉辣椒爆香特別惹味。
車爸爸話喜歡食雪菜豬扒麵🐷🍜,那便煎兩裝豬扒加入惹味雪菜,再淥個白麵上海味道便出曬來。
另一天的晚餐煮了車爸爸喜歡的梅菜蒸鯇魚🐟,另外煮番個自己喜歡吃的蒜蓉蒸茄子🍆,加多一孖臘腸就變成一顿豐富的晚餐了。
呢隻臘腸係 車爸爸喺 上環 一間名叫和珍臘味家 買的, 玫瑰味超級香濃 如果喜歡吃壽臘腸嘅朋友應該會喜歡他
梅菜蒸鯇魚要煮不難,不過要整得好食都要做點點功夫㗎!梅菜事前要用薑絲炒香調味才攞去蒸魚會零舍好食喔!鯇魚蒸至剛剛熟加埋梅菜真係要食兩碗飯㗎。
 
另外我最喜歡食茄子🍆,用蒜蓉蒸熟之後加埋甜豉油落去好味到飛起喔!
飯後甜品係喺商場Pop-Up Store買咗三粒糯米糍各$15/粒,味道分別有紫薯,芒果及榴槤,看上去外皮就透薄了。

呢個紫薯糯米糍就大件事啦!一食落去酸的原來壞咗,浪費了我$15呢👿!以後都係唔好信呢Pop-Up Store!
不過榴槤糯米糍就好好味,糯米皮好煙靭,內裡的榴槤餡很足而且好香濃真心覺好味。
另外芒果糯米糍亦很飽滿,厚厚的芒果肉都很香甜絕對吃得過。 
最後就係尋日清麗村姑又有新收成,還相約了我去食午餐將她的有機寶貝送給我呢!
我恨咗成年的金菜頭終於{長大成頭},等我好好咁欣賞你先遲點再為大家送上它的艷照😁。
而每次她也會帶給我喜歡的薄荷葉,因為我喜歡用嚟沖清新嘅薄荷蜜糖梳打特飲🍹。
這些羅馬生菜就緊要啦!係我一手一腳將菜苗放落田,現在茁壯成長到我懷抱了!

最後還有少許皇帝菜聽她講佢自家種嘅皇帝菜味道十分濃郁,唔知我食唔食到呢?因為我唔敢食蓎萵菜㗎但平時街市買的皇帝菜我就喜歡吃。

留言

  1. 原來雪裡紅是用蘿蔔头整的嗎?可分享做法嗎?街賣的勁咸呢。

    回覆刪除
    回覆
    1. 好易咋,將蘿蔔葉用鹽嗱至軟身沖乾淨扭乾水,鋪海鹽入內放入容器放在雪櫃,待約一星期便可使用。

      刪除
  2. 同上,依家至知雪菜係咁黎架!

    個金菜頭好巨型呀,期待睇羅家飯下回分解。:)

    回覆刪除

張貼留言

熱門文章