13 4月, 2017

辛苦車兩老了!

車車的情況雖然唔算好危險但都幾論盡,可幸他的活動能力尚算自如,可惜前晚身體又發生小問題要漏夜出去睇醫生,而家食咗藥情況總算穩定下來,先要多謝大家對他的關愛,希望這位小寶貝能夠繼續健康咁生活落去啦!正正因為車車嘅情況我連星期日返外家都不放心,這情況下唯有辛苦兩位老人家入嚟我們處相聚,這天他們還帶了一隊蟹兵團來探訪!

這輪螃蟹開始爆膏既軟滑又甘香的蟹膏確令人心動,不過冇膽的我只能夠淺嚐一隻便乖乖收口,其餘的留待他們慢慢享受吧!
另外在我家附近的大少燒味奈餐廳買了脆皮燒腩仔以及美味豉油雞,您知啦佢哋入嚟打麻雀打到好夜㗎嘛!咁就冇時間煮D特別的餸菜咁就斬料斬料斬大舊叉燒啦!大少燒味質素好唔錯㗎。


另外再灼多碟菜心苗咁就搞掂一餐啦,這期菜心苗幾淋甜唔錯!
不過實在太多蟹的關係最後當然係食唔曬,咁就好簡單將佢拆肉第二日買個伊麵再加埋吃剩的燒味,我同車爸爸就有一個豐富的蟹肉燒味伊麵吃喇!


大家看碗內有幾多蟹肉,真係睇見都流口水架!
同場還有清麗村姑自家種的各款品種小蕃茄,隻隻都清香迷人有爆汁,多謝她百忙之中也抽空跟我一聚,希望她可以快點出來跟我們一齊去吃喝玩樂吧!

5 則留言:

  1. 車公公車婆婆黎竹戰happy之餘,車車見到屋企咁熱鬧都精神d呢,放心,佢好快會康復呢!

    回覆刪除
    回覆
    1. 但D蟹太誘惑他了,整夜在討吃!

      刪除