20 4月, 2017

蠔得喜,花費無幾!

大家在星期六,日過過得豐盛嗎?星期一又是否悶悶不樂呢!不打緊車媽媽在星期二能令大家輕鬆寫意{暢飲,蠔吃},更加只是花費無幾係咪好有興趣呢?係的話就要繼續睇落去喇。

要介紹正是沙田萬怡酒店頂樓餐廳LEVELthirty Lounge & Bar 。
位處於酒店頂層內裏帶著滿場落地玻璃,能眺望沙田夜景萬家燈火的景象,跟這兒輕鬆寫意合襯之極。


餐廳平時半打生蠔售價$258,但如果星期二來這裏就可以享用酒店剛推出的{豪飲*蠔*食星期二}$388/位的任吃兩小時推廣,應該都有人同我一樣會問點解只限星期二?原來餐廳每逢星期二生蠔新鮮返貨,所以這天去吃必定係最新鮮之期。
那這個{豪飲生*蠔*食星期二}究竟內裏包了含什麼?主角當然係廚師精選生蠔啦!這夜我們可以品嚐到三款國家的生蠔,包括蘇格蘭,愛爾蘭及法國,這也不止噢除了生蠔另外還有各款鮮蠔美饌,足足有四款熱食蠔選擇稍後再為大家詳細介紹。
因為此時此刻美酒已等待我們碰杯,而此餐內亦包有精選的紅,白餐酒及葡萄汽酒無限暢飲,如果像我喜歡吃生蠔及飲酒的您!我相信係冇可能抗拒這個精彩的星期二啊~
享受完美酒當然到主角出場,第一盤生蠔已經期待我們寵幸它了!
第一隻由淡口味的蘇格蘭石蠔作序,此蠔生長於清澈之蘇格蘭沿岸海灣,蠔殼薄而且肉質富有彈性口感很不俗,而味道則不算太重海水味這也表示口味好清新,很適入門吃生蠔及喜歡清秀口感的朋友。
第二款佳麗是愛爾蘭的Irish Rock,此蠔入口較蘇格蘭石蠔富海水味,但口感就略為Creamy喜歡有口感的朋友仔就未必愛它了!
最後一款亦是我最愛的法國佳麗Fine de Claire,入口濃郁帶鹹味道適中吃下還帶有少許榛果香味和甜味,層次感會較為豐富是這麼多款我最愛的生蠔。
吃罷第一輪生蠔後就到熟蠔出來招呼我們,這一盤內有四款不同口味的熱食蠔,包括芝士焗生蠔,洋蔥煙肉菠菜焗蠔,吉列炸蠔及野菌焗蠔。
還配上滋味的沙律醬及茄汁伴吃,坦白講夠新鮮的蠔基本上唔需要任何醬已好吃非常,正因如此我這夜並沒幫襯過醬汁。
吉列炸蠔熱辣辣的炸起入口沒有多餘的油份蠔肉夠細嫩鮮甜,雖然係熱氣但都冇可能抵抗得了它的誘惑!
喜歡濕潤些的朋友可以選擇洋蔥煙肉菠菜焗蠔,加了清新菠菜又有香口洋蔥和煙肉絕對是滋味嘅選擇。
野菌焗蠔則是我全晚心水之選散發著清幽的菌香,配合滑而不膩的忌廉汁 絕對係令人欲拒還迎的美食!
而最後芝士焗生蠔亦是香口惹味之選,加了鹹香芝士的生蠔如虎添翼,入口蠔汁横飛鮮味出眾。
一場來到除了任食環節外亦都點了些A La Carte美食,因為其它的選擇亦都很相宜,有無限暢飲美酒的夜晚來一客芝士拼盤$118最適合不過,而且芝士的質素亦都相當不俗佐酒一流!
另外看見這兒的串燒亦十分抵吃,我們也不蝕底點了少許來分享,好友的牛脷全配香蔥蘿蔔蓉$18/串,另外還點了香辣魷魚鬚$18/串,牛舌用上舌心來奉客見好友吃得津津有味相信質素也不俗,我就很喜歡這個韓式辣魷魚串,香口惹味魷魚鬚口感彈牙實在太美味啦!
另外還點了青芥辣雞丸$28/串,雞丸牛下質感很實在配上青芥辣醬加了點刺激感,不過雞丸吃下味道比較清淡如果可以濃味些應該更加惹味。
1
這夜我們真的十分幸福一行五人每位吃了兩打有多的生熟蠔,總共一百二十多隻,實在太瘋狂!太瘋狂了!不過這兒是任食嘛荷包絕對唔瘋狂!強烈建議大家星期二要來這裏醫治Blue Monday病症哈哈..........




最後當然唔錯過吃甜品啦!Cream Brulee焦糖面夠輕脆,燉蛋質感超幼滑亦富蛋香,而且份量挺大我覺得很適合跟好友分享來吃呢! 

2 則留言:

  1. 以前生嘅都可以食兩打,依家嘅我應該食唔到咁多生蠔,所以有熟蠔食,反而更吸引!

    回覆刪除
    回覆
    1. 這個推實在為我這樣蠔迷而設!

      刪除