二餸一湯，白飯任裝！

剛過去的星期六，日難得空閒便連續兩天煮飯給車爸爸吃，兩餸一湯白飯任裝隨便起筷。

車爸爸想飲青紅蘿蔔豬骨湯當然冇問題啦！老火湯喝下去確比滾湯滋味的，青紅蘿蔔又夠香甜喝下去十分舒服。

餸菜方面我就用咗早前喺Event得到海南少爺送出的星洲辣醬煮大虎蝦，那天邱師傅是用來煮軟殼蟹，味道正到不行呢！

超簡單配上三色椒香蔥加蛋花及星洲辣醬，即變完成一碟美味的星洲辣醬 大虎蝦，這醬吃下香料味道十足帶點微辣連吃不了辣的車爸爸也接受到，而且還吃得他大啜手指呢！

另一碟洋蔥炒田雞唔係我煮㗎！因為我係唔夠膽處理田雞的，每次見這個菜你哋就會知道係車爸爸的手筆，真係要讚下佢田雞洗得好乾淨，而且味道每次都調得剛剛好，尤其啲洋蔥好食到不得了呀！

接下來星期日當然要飲番隔夜湯啦！其實我覺得隔夜湯仲好飲呀。

見到街市有多寶魚賣仲要係游水㗎！用果皮清蒸更能吊出鮮味，魚肉滑溜又鮮甜，尤其是裙邊位置更加是人間極品啊~

見到這紮露筍十分鮮嫩就買來清炒，吃上來爽口清甜，不過好質素是要付出代價的，因為都幾貴呢一碟露筍盛惠50個大洋吖！！