24 6月, 2017

時光倒流三十年

如果時光倒流三十年的話我還會那麼早便當媽媽嗎?還會一意孤行養寵物嗎?我相信我絕對會行同一條路,這是我人生中的精彩經歷不論快樂與否 這才是我的人生啊~

日子過去了便不能追回頭!但講到食車媽媽就有辦法,如果而家話比你知去酒店飲茶每款點心都只係$19.8係唔係有啲時光倒流的感覺呢?講緊屋企樓下的屋邨酒樓小點都要買緊$16.8的時候你話呢個係咪好介紹吖!
講緊係金域假日酒店的龍苑中菜廳為慶祝餐廳30週年,酒店特別推出這個{最真}懷舊點心優惠,由即日起至8月31日逢星期一至五,早上11時至下午3時便會推出這個驚喜優惠,當中有三十多款鹹甜點心供大家選擇,好帶定口水肩一會兒一輪精美又好吃的懷舊點心便會活見大家眼前!
未吃點心前欣賞一下呢一位小鮮肉公主先,是我們朋友初生的BB女只得個半月大的小可可,跟我們一衆嘈喧巴閉的大人一同飲茶,認真抵打全程沒有騷擾我們,可惜車媽媽那天噴了全身香水唔係好敢抱佢,期待下次我們再親密接觸啦小可可!
第一輪當然要吃點香口炸物啦!
先品嚐的是鮮蝦脆春卷炸得香脆不油膩,內裏還有不少鮮蝦作餡香脆可口。
接著是我好喜歡吃的甜酸炸雲吞,跟春卷同樣香脆可口,配上甜酸汁簡直係Perfect Match,雖然好怕熱氣但都整件吞下了$
還有懷舊的黃沙豬膶腸粉,現時很多酒樓都唔會做呢一個腸粉喇,吃下去豬潤粉嫩甘香邪惡度爆燈美味道亦十足呢。
當然還有懷舊嘅炸兩腸,薄薄的腸粉皮包著新鮮的油炸鬼又怎會不好吃呢!

吃罷香口的炸物係時候吃熱辣辣的蒸點心了!
變態的車媽媽最鍾意吮腳趾,所以點了這個豉汁蒸鳳爪,醬汁夠晒濃郁又唔會過鹹,我吮了超多隻呢嘻嘻!
另外滿有驚喜的是這個薑蔥牛柏葉,牛柏葉爽口唔會過靭,而且做得十分入味值得一試。
由細到大都最鍾意食雞扎,自從出了棉花雞後我更加歡喜若狂,因為鍾意雞扎的原因正正就是魚肚,這兒的魚肚沒有異味索晒雞肉香氣,再加埋大大隻花菇,平時永遠係特點的棉花雞在這兒頓變低食點心!
話明懷舊點心當然唔少得邪惡的豬潤燒賣啦,細個的時候唔係好識欣賞到而家冇乜Quota嘅時候就真係好喜歡食豬潤,唯有乖乖哋自己睇下做啲運動幫補吓啦!
講到邪惡當然唔少得呢個鵪鶉蛋燒賣吧!唔怕膽固醇便盡情吃罷......
而這一個松露帶子餃質感跟味道都做得十分不錯,餃皮爽口不黏牙內裏的帶子和蝦肉爽口沒腥味,加上松露香氣呢個絕對係美味之選啦。
須然全部點心都好抵食,但是這個袖珍缽仔雞蛋焗魚腸就更加抵食!雖則名字叫袖珍但其實一點也細容!冇三兩位都唔好點來吃呀,不過這焗魚腸係限量供應先到先得,想食嘅朋友要早啲去飲茶喇!
我可以話比大家聽車媽媽係從來都唔食焗魚腸的因為我好怕腥,但看見這個焗得那麼甘香真的十分吸引,最後我都忍唔住試了一口,怎料吃下去蛋香滿滿之餘還很富質感而且沒丁點腥味,完完全全俘虜我心太美味了,而且只須$19.8便可品嚐到你話點可以唔食呀!
吃吧罷美味點心後還有甜品及糖水,這個鬆化雞蛋散做得真的十分可口,配上糖漿吃總是吸引的。
還有這兒的即焗蛋撻仔上檯時熱哄哄,加上酥香的撻皮和滑溜的蛋漿,小小的一口真係唔捨得同人分享呀!
另外還點了這個香芒西米露,唔好以為特價就會將價就貨呀!這碗西米露足足非常,一碗滿滿的芒果肉加上香滑椰汁味道好吃過坊間甜品店多多聲呀,唔好話我唔提醒大家噢聽聞爆場得很想嘆高質點心要快D訂座喇!

8 則留言:

  1. 一口份量嘅蛋撻放入口就剛剛好,俾我一定揀係自私食,唔會有分享症,哈哈!

    回覆刪除
  2. 又有超值點心又有可愛BB,太美好了!!!!

    回覆刪除
    回覆
    1. 小可可太迷人,下次一定要勁抱先得。

      刪除
  3. 真係好抵食,想食酸甜炸雲吞

    回覆刪除
    回覆
    1. 龍苑的炸雲吞真係好香脆架!

      刪除