快活星期六

今日就係辛辛學子的開學日希望各位學生哥都有一個快樂的學期,而大人們暫且都可以鬆一口氣了!等到星期六日放假的日子再去嘆番個Weekend Brunch,那大人細路都可以享受一番啦

今次要介紹荔枝角這間Si Simply Italian係區內罕見的正宗意大利餐廳,咪以為門檻好高呀!意大利老闆正正就係想用親民價錢令客人享受到正京意大利的味道。
某個星期六的中午便跟好友來一嚐這個親民價錢的Weekend Brunch,大家必定問究竟價錢又有幾親民?如果話比你聽只需要$198可以一次過享用15款巧手的菜式大家覺得抵唔抵呀?

餐廳內樓底超高空間感十足,在這環境吃Brunch最適合不過!
先來兩杯現在時興的冷壓果汁開一開胃口先!
接下來侍應為我們送上微暖脆口的麵包,沾上適量油醋來吃挺美味喔!
接下來便是十款精緻的前菜,木架賣相夠清純,這裡是兩人的份量!
將10小碟堆出放在檯上真係好宏觀呢!
首先介紹我最喜歡的紅蝦他他配哈密瓜醬,鹹香鮮味紅蝦配上香甜哈密瓜醬拼湊出鮮甜口味 吃得我十分愜意呢!
巴馬火腿配巴馬臣芝士絕對是最穩陣的配搭,巴馬火腿鹹香味足質感也軟熟可口。
第三款是香煎日本帶子配寶塔花菜蓉,帶子煎得外層焦香內裏軟滑,配搭清向的寶塔花菜濃味道也挺出色。
接下來的是煙三文魚配蟹肉三文魚籽,煙三文魚味道芳香蟹肉味道頗鮮甜丁點腥味也沒有,配合卜卜脆的三文魚子合拍非常。
繼續下來的是焗意大利火腿薯餅, 吃下去質感有點實不是我杯茶呢!
這個是焗千層意大利茄子配水牛芝士,茄子從來是我心頭好加上水牛芝士就更加可口,不過配襯蕃茄醬這點我就覺得如果用新鮮茄醬會更加討人歡喜囉!
另外一款同是用蕃茄醬的香煎意大利腸配蕃茄醬同樣都是敗在蕃茄醬手上!
吃完十款前菜之後真的好滿足啊!這個時候主菜都未吃呀唔肥就真係有鬼啦!
主菜方面我另外加$40升級至香草蒜片煎美國黑豚架配新鮮沙律菜及燒薯!這個美國黑豚扒份量真的不少呢!
當然要跟好友分享吧!豬扒肉質夠淋身肉香亦算不信,而且豬架從來都是我心水之選啊!這客主菜我當然十分滿意啦!
另一份煮菜是手製牛肝菌意式餃子黑松露忌廉汁配羊奶芝士,多謝好友相就放棄吃他至愛的牛牛!他說吃了牛肝菌都算叫食咗牛喎哈哈~
餃子的羊奶芝士味不算太重我也吃得下,質感煙韌可口黑松露味頗突出吃下很滋味。
主菜過後還有四款自家製特色甜品拼盤,天啊為何怎吃也吃不完的!還是叫定杯凍檸檬茶消消滯才行!係呀左Brunch時段12-3內可另加$138享用兩小時的鮮搾果汁、汽水、啤酒、Proescco、紅、白餐酒的Free Flow,酒迷更加要來吃一頓啦!
四款甜品包括有朱古力配意大利芝士忌廉、自家製鮮果雪葩、黑朱古力慕絲及忌廉泡芙。

四款特色自製甜品都甜蜜美味,尤其忌廉泡芙質感更軟熟可口令人吃得陶醉萬分。

留言

張貼留言

熱門文章