10 9月, 2017

我愛可樂

剛過去的9月2號至到7號車媽媽終於再嘗毛孩的溫暖,是因好友cola爸媽要去日本旅遊所以今次可以來我家渡假喇!(上次想來的時候車車還在Cola太驚車車最後未能成事)

9月2日第一天 一早呢位靚女就嚟到我屋企了!我還開了車車的私竇給她享用,傻妹豬果然喜歡喎!
 到黃昏時份麵包夫婦更山長水遠入來探我哋呢!Cola表現超興奮呢!
當我攞出魷魚絲招呼客人的時候呢隻為食妹豬竟然瘋狂的想搶食!難為了我的客人要面壁吃魷魚絲我諗佢哋都係第一人了haha!
到晚上車爸爸回家的時候呢隻豬第一次見佢竟然黐到佢實一實,仲想錫佢一啖㖭平時想叫佢一啖得好難果然係女生外向呀!
佢還要主動攞玩具給車爸爸同佢玩㖭!!
過了一兩日Cola已經完全適應我家的生活,你看她笑容滿面就知道佢幾咁開心啦!
而呢隻豬又唔知自己大隻但就最鍾意黐埋上床一齊瞓,而且還經常黐住車爸爸瞓覺呢!
其實見到佢喺我屋企瞓得咁舒服我就知佢好放心好開心咁喺過渡假,而7天中她只吠過一聲(以為車爸爸回家),真心覺得佢十分好湊!




而她的食篇就比較差啲!呢隻豬比較揀飲擇食唔係好鍾意食狗糧,咁話晒來渡假斷唔會虧待妳嘅!雞肉、三文魚當然有得吃,而我更比佢第一次試食鴕鳥肉,點知一試就出事佢食完鴕鳥肉之後咩肉都唔想食啊!
而呢隻豬成日喺度扮無辜樣真係超可愛囉!
多數同佢影相都好少笑騎騎的,不過去到最後一日好俾面呀同我影咗張好好笑容的相留念, 其實嗰晚佢走咗我返屋企都流咗兩滴眼淚呢!唔緊要啦我掛住妳隨時就可以去探妳,遲啲仲有茶走細佬玩添好期待呀!


4 則留言: