日韓秋祭自助餐

大家是否同跟我一樣都好鍾意食日式和韓式的美食呢?我就喜歡日式的精緻及韓式的美味跟中菜有好大的分別,而這夜到The Place就可以一次過享盡日韓美食自助餐,對於我這個日韓迷來說簡直係天大的喜訊啊~

已不止一次來這兒吃自助餐,但這天雙眼真的完完全全被超美麗又精緻的甜品蒙蔽著,第一眼便看上這個魚塘水信玄餅,晶瑩剔透栩栩如生的造型真是令人興奮莫名!
接下來還有這個精靈可愛的韓式柚子蜂蜜蛋糕,那個可愛的小蜜蜂和精緻的蜂巢真令人目不暇給呢!
再下來這個意大利芝士蛋糕拉麵更加令人啼笑皆非!話說甜魔媽媽取時真的攞起了用朱古力做裝飾的筷子成晚笑到我哋肚都攣埋!由此證明造型有多麼神似呢。
而這一個日式紫薯撻更令我著迷!在影相的時候已忍不住取了一個放入口中實在太好味啦。
而且一個充滿玄機的*禪*味噌焦糖朱古力蛋糕更令人神往,造型唯妙唯肖的竹筒加上像真度超高的石春朱古力,又再一次欺騙到我跟甜魔媽媽都怪你過份美麗了!
再掃下去甜品架還有很多精緻的日、韓式甜品,包括有巨峰提子啫喱、士多啤梨奶凍、韓式雪梨牛奶布甸、抹茶大福餅、草莓大福餅及韓式紅豆湯、芒果雪梅卷及熱情果蛋糕。







還有極受歡迎的抹茶朱古力噴泉配可愛棉花糖。
而這個即焗半熟芝士撻大家要看準時機,待新鮮出爐即刻取來吃那份美味真係令人回味無窮喔!
喜歡煙韌質感的朋友就唔好放過這一款日式綠茶蕨餅,煙韌軟糯帶著滿滿的綠茶香氣好迷人的。
去到最尾的亦有照顧有中國甜品胃的朋友,包括有豆腐花、杏仁茶可供選擇。


當然唔少得Movenpick8款口味雪糕,這一刻甜魔迷係唔係已經進入瘋狂狀態呢!
而自助餐亦有紅、白餐酒$400可供選購,另外切合主題還會供應本直送燒灼及果汁酒$35/罐。
想盡情些可以另加$68就可以任飲紅、白餐酒、啤酒及汽水果汁夠爽了吧!
去到豐富冷盤海鮮都好豐富㗎!包括有鱈場蟹腳、龍蝦鉗、小龍蝦、大蝦、青口及鮮蜆,另外梗係唔少得即開新鮮生蠔啦!




Cheese Station有三款芝士醬及三款芝士可供選擇。
頭盤則有沙樂美腸及雜錦凍肉。
有切合主題的韓國宮廷九節板、韓式冷麵,全部都係我最愛吃的韓式前菜太開心了!
現成沙律區亦有數款選擇,最適合不喜歡傷腦筋的朋友。
另一邊有我最喜愛吃的日式頭盤前菜,包括有胡麻豆腐、味付螺肉及中華沙律。
喜歡創作自己口味的朋友就當然去自助沙律區特製喜歡的沙律啦!
刺身區方面一般的三文魚、吞拿魚、甜蝦及魷魚都有供應,另外還有美味及眾多款式的壽司、卷物及手卷。


去到邪惡軸心當然就係香煎鵝肝吧!仲要係即場煎製熱辣辣喜歡這味的朋友當然不能錯過啦。


還有美味多款式的餐包供應用來配搭餐湯就最好不過啦!
餐湯育白甘筍蘋果湯及超足料的當歸紅棗煲雞腳湯。
鏡頭一轉便去到熱葷美食區先有印式羊肉咖哩、印式香飯、印度式黃豆薯仔馬沙拉、印式薄餅、印度式香辣烤雞及蜜汁叉燒。


再來便是天婦羅、烤豬腩肉及紐西蘭肉眼扒。




而日、韓熱食選擇亦都不少包括有炸日本極黑豬扒。
日式免治雞肉串、韓式泡菜醬炒馬鈴薯、韓式辣味年糕、韓式芝士炸雞拌薯條。
任吃的味噌芝士焗龍蝦、一口和牛粒。

是夜燉湯則是好足料好味道的黨參黃芪燉雞湯。
最後還有甜豆雞髀菇炒牛柳、豉蒜炒龍蝦鉗、蒜蓉炒西蘭花及日式櫻花蝦炒飯。
而粉麵檔更推出了日式豬骨湯及清雞湯,選好心水材料就可以來一碗九州豚骨拉麵。


介紹完那麼豐富的美食呢個時候唔使問點解當然要開餐喇!
先吃新鮮生果作前鋒打打底希望接下來不要吃得太兇狠,好開心呀今次有菠蘿供應。
凍海鮮我就十分喜歡龍蝦鉗及鱈場蟹腳,兩者都肉質紮實又有鮮味而且唔會太過鹹,而小龍蝦質素亦都相當唔錯呢!


當然係唔少得新鮮生蠔今日係加拿大貨肥美軟滑夠Creamy入口都好夠鮮味。
剛才提過的九節板全部取回來逐一細意品嚐,當中有我好喜歡的泡菜仲有大豆芽,好有食緊韓燒的感覺呀!
而芝士拼盤方面我就最喜歡那個蒜蓉芝士醬,就咁放入口好鬼有滿足感㗎!
刺身質素亦都十分不俗全部都有光澤新鮮。
而燉湯黨參黃芪燉雞好足料了呢!喝下去湯味好濃郁很不過。
不過我更愛這一個當歸紅棗煲雞腳湯,充滿藥材的香氣好喝非常千萬別鍋過那雞腳呀好味到不得了呢!
而熱食我就好推介大家吃這個味噌芝士焗龍蝦,加了味噌吃下去味道更加出色而龍蝦肉都新鮮彈牙鮮味跟惹味共冶一爐,另外泡菜芝士年糕都係我這夜的心水推介!年糕煮至煙韌有咬口加上惹味泡菜令人吃不停口呀!
而這個豉蒜炒龍蝦鉗變成了今晚的焦點!皆因這隻龍蝦鉗係神秘的劉總拆畀我哋食㗎!你話點會唔變成焦點呢哈哈.....


這兒的咖哩味道都十分香口大家如果有位都要試吓!
最後來多一碗白選的獅子狗魚蛋九州豚骨拉麵,咁就真係滿足到不得了啦!!
呢個時候當然就係餵飽甜胃的最佳時機。
這個半熟流心芝士撻剛剛出爐一口咬落去香脆的外皮加上半熟流心的芝士,乜嘢叫做幸福呀而家咪正正感受得到囉!
另外這一碟日、韓甜品賣相精緻過人,連味道都好出色㗎最正當然就係對朱古力筷子啦!真係笑足成晚囉!
這個日韓秋祭自助餐星期日至四及公眾假期成人$608/小童及長者$428,星期五、六及公眾假期前夕成人$648/小童及長者$468,在飲食網站兩位以上已經可以有75折優惠㗎喇,食飽飽之後玩埋呢個日韓秋祭攝影比賽,話唔定會贏得二人自助晚餐大家記得踴躍參加喇。

留言

張貼留言

熱門文章