*百*般滋味

繼昨日博文在面譜京川料理吃罷一餐大家都頗滿足的晚飯後，一班瘋狂的甜魔能夠相聚當然唔少得再去找個好下場吧！其實我一早已盯上了K11內一間新開的Charbonnel et Walker朱古力甜品期限店，而且跟Patisserie Jeffery Koo聯乘推出了精緻的蛋糕！所以吃飽後我們便浩浩蕩蕩走到K11！

K11的裝飾展覽品從來也很吸睛，今次也很有特色呢！

怎料九時半到達已經要關門了！店子原來收九時的想試的朋友要留心啊！

不過飯前經過我影了些相這一趟唯有影咗當食咗啦！不過唔緊要我問過這期間限定店會做到二月尾 ，我還有大把機會可以來吃蛋糕和買朱古力，因為這品牌朱古力真係好好味㗎平時只可網購！現在可以看到及觸到精美的包裝，而且比其它熱門品牌來得更高貴，現在買蛋糕更可半價購買朱古力產品，喜歡品嚐朱古力的您萬勿錯過呀！

大家看朱古力蛋糕造型幾咁別緻，是跟朱古力的包裝模樣來製成，見到都好想食喔！！

但我更愛朱古力更已鎖定Whisky  Truffles，只要買一件蛋糕就可以半價換購英女皇最愛的朱古力哪有這麼吸引喔！必定要再來食蛋糕買朱古力啊~

既然Pop-up Store已經關門我哋唯有轉戰離記它不遠的百味堂 ，這間雪糕店之前在樓上的期限店經常排滿長龍！不知是否這天我們夜到呢？已經不需排隊還是熱潮已退？

都冇問題啦最緊要係想食啫！我們人多一於就揀三款一齊吃吧！見到有個期間限定的林柿牛奶雪糕好吸引相信係必點之選，另外好友揀埋濟州抹茶牛奶雪糕，唔知韓國的抹茶味跟日本的有什麼分別呢！最後還點了豆漿牛奶雪糕這個味道比較特別都應該要一試。

不消一會三款雪糕經已送到我們手上，賣相就十分不俗不知味道是否同樣吸引！

雪糕店旁正裝修緊一個堂食的位置，現在只有店旁數張高櫈給客人在此享用。

首先試這個豆腐味牛奶雪糕＄48，坦白講豆腐味就真不算太出色牛奶味會稍重，入口雪糕都尚算軟滑，不過沒我想像中的好吃，但講到造型又真係好可愛嘅！另一杯是濟州抹茶牛奶雪糕＄78，抹茶味就真係沒有日本的那麼甘香，還幸加了點脆米令口感豐富不少！

最後這杯林柿牛奶雪糕＄78內的林柿醬確實有驚喜，香甜真確的味道令人有再吃的衝動，不過坦白講價錢如果可以相宜點的話我相信會有更多人喜歡！！