大師兄你係得嘅！

剛剛過去的星期天亦是如常回外家的日子，午餐當然要在荃灣覓食吧！

忽然間好想嘆一盅兩件但又唔想去酒樓食喎！就上飲食網搵那裡有點心店，俾我搵到呢一間大師兄而且又近外家一於就去試吓啦！原來就係王少清中學對面對，於荃灣長大的我來講好易便找到！

很久沒跟車爸爸飲茶了！須然店內有冷氣但不夠所以情願坐於室外，見到什麼也想吃一人點一些心水巳7款了！

炸物點了車爸爸愛吃的安蝦咸水角＄18，新鮮炸起的咸水角脹卜卜又不油膩，外皮煙韌不黏牙，內餡亦算足料味道也恰好，我倆也很滿意！

另一份是我自少也愛吃的甜酸炸雲吞＄18，雲吞皮同樣炸得輕脆鬆化，內藏整隻彈牙蝦肉好足料，甜酸汁味道也調得恰好很可口呢！

我飲茶必吃的祕醬蒸鳳爪＄17，須然顏色有點誇張但味道很正宗，同樣得我歡心！

腸粉最考工夫一於考考大師兄牌！點了較特別的脆皮燒鴨腸＄24，腸粉夠薄滑但略嫌米香不夠，內裡的燒鴨沒有說好了的脆皮還乾巴巴的，相信其它餡料會吸引些！

本點了蝦餃怎料生意好到售罄！唯有轉點鮮帶子菜苗餃＄18，賣相好靚仔的菜苗餃一客只得兩件但身型認真不細，餃皮軟滑爽口內含海量新鮮爽彈蝦仁，菜苗則用上菜芯略為未夠吸引，吃下味道很鮮甜我很喜歡呢！

黑洞在些叫客鳳爪排骨缽仔飯＄29是常識吧！這個缽仔飯真的很讚，米粒端來時粒粒分明，吃下軟硬適中很可口，排骨也啖啖肉整個飯也很和味！

最後甜點選了原籠馬拉糕＄18，大大份超抵食呢！馬拉糕質感很鬆軟，唔信睇片啦~

拿上手沒多餘油份，吃下香甜美味，真是超級推介啊！埋單不收加一連＄3/位茶錢＄148，但吃的是比不少酒樓更出色的點心，我認為很值得幫襯呢！