休魚期的羅家飯

須然近來是休魚期的日子但羅家飯也不愁魚慌!更因此多吃了本地海域的靚魚,不過五月天氣已熱到一個點的日子,總有一兩天不想吃正餐,像這夜便炒個雪菜火鴨絲炆米,濕潤的口感加上火鴨的香氣比較容易入口呢!

灼多碟菜芯苗這樣又完成了一餐嚕!!
這頓是為了配合清麗村姑正正自家種沙律菜而設的,再加上豬、牛扒及肥美本地生蠔,來炮製出這頓西式晚餐。
買了風乾火腿加上香甜菠蘿,清新的車厘茄配合沙律菜,還用了Oli送我的日本手信旨辛一滴青,此汁乃宮崎出品吃下辣勁十足但帶有柚子香氣,本身建議伴肉吃但用來襯沙律吃亦十分匹配!

本來只想煎兩塊扒便算,但行過日日鮮見到有本地肥大生蠔,一於加餸買了6隻用來乾煎加點椒鹽便可!
車爸爸的半成熟牛扒拿捏得挺準我自己都非常滿意,煎蠔熟後也沒縮小隻隻肥美飽滿,蠔身味挺濃而且沒酸味,蠔的裙邊則爽口非常好味道啊!

而我當然吃自己啦!厚切豬扒最合我意真係吃得好滿足喔!
而上星期六的晚餐就豐富點!包括有蒸鷹鯧魚、蒜蓉蒸勝瓜、孜然雞中翼。
鷹鯧魚是鯧中之王肉厚白肥美,魚味濃不帶腥氣,所以身價冠絕是不無道理的,蒸好後加上香蔥豉油巳是人間美味,魚肉質感滑溜又少骨,味道鮮香甜一丁點腥味也沒有,真心貴得我心悅誠服!
孜然雞中翼煮法就最簡單不過,醃好味道後拿往焗爐烤香熟,最後再灑上孜然粉便成,如此香口的雞翼真的很難不好吃呢!
最後有蒜蓉蒸勝瓜又是惹味餸菜,喜歡吃蒜香的我倆飛快便將之清碟了!!

留言

  1. 見到啲蠔煎完都仲隻隻脹卜卜都覺正呀!

    靚魚絕對係羅家飯嘅signature! :)

    回覆刪除
    回覆
    1. 流浮山蠔真的很肥美不比外國貨差,在外太重口味家中宜清淡,蒸魚有營養又有益!

      刪除
    2. 我以為妳多數出街食。

      刪除
    3. 靚婆婆我都會自煮不過唔叻hehe!

      刪除

張貼留言

熱門文章