2018最後的羅家飯

來到12月30日的這篇是2018羅家飯閉幕文，過去一年羅家飯減產不少！並非我懶惰只是近年車爸爸收工較夜，好多時要10時過後才回到家，為免餓壞黑洞所以大多各自晚餐，所以也促成成經常跟朋友外出用膳，真係肥到一個點啊！寄望2019年車爸爸可多點回家吃溫馨的羅家飯便好了。

上圖是清麗村姑早前贈我自種的菊芋，從網路上查閱原來即是耶路撒冷雅枝竹，菊芋對人體健康有莫大好處，例如降血糖及幫助修身，我用最原始的食法生吃加胡麻醬享用了它作晚餐，吃下十分之脆口有像沙葛但更有嚼口，而且還挺有飽肚感呢！

難得車爸爸回來吃飯一於三餸恭迎主子！！

沙薑蒸雞翼是車爸爸的Comfort Food，經常也想我弄給他吃，不過唔係次次都成功爭取到架！

梅菜蒸鯇魚腩最好佐飯吃，記得清好魚肚位的黑衣，如果唔係揾阿水吃嚕。

帶子扒豆苗家常易煮，煎香帶子炒熟豆苗，打個靚獻汁吃得！！

這頓是在外家煮的羅家飯，清蒸肥美泥蟹、豉椒炒蜆、蝦膏蒸玻璃肉，夠晒惹味的一頓，車婆婆、車公公同車爸爸吃到耳仔郁晒。

清蒸泥蟹爆膏指數相當嚇人，甘香的蟹膏加上鮮甜蟹肉，真的太享受了膽固醇萬歲萬萬歲！

車婆婆買到超靚仔的玻璃肉，一於用惹味到不行的蝦膏炮製！玻璃肉肥瘦均稱，肉質軟熟配爽口不油膩的冰肉好吃到飛天，不過這麼邪惡要像牛郎織女般一年一會好了！

豉椒炒蜆我盡得車婆婆真傳自問炒得相當不俗，這夜4斤沙蜆全數吃光光！車爸爸應該吃了2斤哈哈哈...................

而第二夜的晚餐淪為道具菜式，須為道具不過我手一樣可以華麗轉身！

車婆婆的愛心靚湯每次回去也預埋我帶回家飲多一天！有媽的孩子真像個寶。

之前吃不完的蟹肉、蟹膏，我用將之化身成蟹飯，濃濃的蟹香包裹粒粒米飯很和味喔！

怕車爸爸未夠滿足煎多兩隻粵皇蛋，濃邊太陽才收貨好咀嘴刁的傢伙！！

淋碟超淋甜的菜芯遠應該滿足了吧！

仲有幾隻吃剩的沙薑蒸雞翼又攪掂一頓！

之後一個星期日車婆婆要打邊爐當然奉陪到底啦！

外家吃火鍋白水已足夠，因為又海鮮又肉到最後個湯底會超甜。

新鮮大肉蟹當然少不了！我們這家真係好鍾意食蟹囉！！

新鮮龍躉啖啖肉打邊爐最合用！

肥牛最合冇牙力的車爸爸，仲有牛魔皇二佬！！

新鮮雞件和魚皮餃則是我和車婆婆的*飛彿*！

唔少得索味的白蘿蔔，西洋菜和生菜，一家人圍埋打邊爐就是最快樂的事！

這頓相機較錯了模式啲相好樣衰請見諒！車爸爸美齒工程追進入白熱化階段！剛做了小手術吃東西有點痛！碰巧表弟牙醫去了旅行唯有重回美味粥仔的懷抱！

買了件油甘魚用辣椒蒜頭豆豉蒸，魚味超香濃勁甜美，又啖啖肉冇細骨但同時也較漏喉，但就最合不懂吃魚的朋友享用！

雞身用了來煲粥，雞脾、翼用來清蒸，為食的車爸爸用盡僅有的牙力清滅了它！

最後一頓便是聖誕節當夜兩公婆在家溫馨的打個邊爐！

車爸爸知我喜歡飲這枝Ceretto Moscato d'Asti 2017，近來由＄218減至＄158枝，他即時勁掃了多枝回家！

而湯底是極滋補的藥膳醉雞煲，先將藥材煲至出味才用來打邊爐。

醉雞鍋主角當然是鮮雞啦！於入藥材湯中灼熟吃下又香又嫩好滋補喔！

我不吃牛但要照顧車爸爸呢個牛魔皇嘛！之前買開的安格斯肥牛現在冇賣！退而求其次這款肥牛聪聽聞也可接受！

還有車爸爸除了我外至愛的脆肉鯇魚腩，可惜今次的不夠脆口，可幸還挺鮮味不至浪費金錢！

冰格還有數隻廣島蠔清埋佢方便留位放年貨！

最抵死係我要食雞腸可惜雞檔冇賣已處理好的！車爸爸竟然自告奮勇說包在他身上，老公我真係爱C你啊！最後買多半打韮菜餃和香脆炸魚皮，加一些菜蔬夠哂皮！

兩個醉酒鬼祝大家有個豐盛的新一年！事事稱心、身體健康、生活愉快！！