羅家飯

一月煮羅家飯的日子不多！月中開始我又多外出用膳，其次是車爸爸近來工作也夜收工，題外話下面這盤肉肉植物我真係好鍾意，有些在宜家傢俬有些在缸瓦佬買的，回家拼湊一起效果不錯是嗎？

另外有一天吃皮蛋發現一隻小青春！相信是未成熟的皮蛋，聞下去還有新鮮蛋香，不過最後也沒試！ 

好正式開餐今天有條大東星要了魚尾位，再弄個健康的番茄炒蛋食得！！ 

靚魚用來清蒸最吃到原味，東星斑的肉質滑溜香甜，魚味香濃而不肥真係好好吃！

番茄炒蛋我喜歡這樣煮，因為車爸爸要滑蛋，如兜亂好易出現水汪汪的情況，吃時才拌勻其實一樣滋味！ 

這餐有人要吃豉油皇雞翼好啦！一月一次都可以嘅放肆一夜啦！！ 

另煮了個蒜蓉麻香茄子貪其好佐飯，用點蒜蓉、花椒油、黑醋、糖等調好醬汁，倒在蒸熟的茄子上便可！吃下香軟帶麻味道都幾過癮！ 

豉油皇雞翼冇難度又好味，用有機雞翼會吃得安心些！！

這頓吃海鮮餐講到好勁咁咪又係蒸魚！不過多了帶子炒豆苗！ 

大家炒豆苗會怎樣烹煮？有冇發現炒出來口感不夠滑溜，有人認為用豆胚才嫩滑好吃，其實豆苗炒得好我覺得口感比豆胚更佳！只要小小技巧大家也可煮出嫩滑又有咬口的豆苗，做法好簡單豆苗買回來用水浸30分鐘再瀝乾水30分鐘，用薑蔥蒜蓉起鑊大火炒熟，然後灒紹興酒下糖、鹽調味便可以喇！ 

今天魚販介紹吃這條叫紅魚(忘記是什麼魚)劏時魚鈎還在肚中，肉質好扎實魚肉又香甜吃得過喲！

仲有一餐殘忍飯，呢個小生瓦煲喺用街市積分咭免費換來，須然羊毛出自羊身上！總好過冇啦！ 

呢日就豐富了煲仔飯仲要三餸，東莞臘腸、白鱔、排骨飯夠晒邪！ 

滾了個豆腐魚湯香甜又有益，車爸爸飲到停不得了口呢！ 

東莞臘腸在街市雜貨舖買質素也不錯，喺時候去上環掃貨了！白鱔肥美香甜沒泥味，最重要是超彈牙十分好吃喔！排骨用了飛排係夠淋可惜冇口感！下次還是買腩排好了！