羅家飯之*早餐*

一星期又眨吓眼又過去又係時候看看羅家飯的早餐吃了什麼喇!

這天車爸爸煮意大發話要弄早餐過我吃!他挑我機弄了台式煎蛋餅看賣相就十分不俗喇!而味道也很不錯只是蛋餅有點過厚,看來我這個一家之煮可以很快退休了哈哈.........
FF完又要繼續無限輪迴煮!之前弄蔥油雞扒飯的全雞只用了雙髀,我將剩下的雞翼和背加鹽蒸熟,餘下的煲成雞湯就得出兩碗濃雞湯日式烏冬了!
烏冬索盡香甜甘鮮的濃雞湯味吃下既香且滑,加上鮮雞件真的十分滋味這個早餐好滋補好醒神呢!
星期三吃得精緻點做了份韓味濃的三文治給車爸爸嘆!這份偽韓風三文治的賣相也不錯吧! 

另外我還誠邀車爸爸弄了個麵包盒扮晒蟹咁係咪好抵死呢!
食材方面有風乾火腿、番茄、炒蛋、生菜和芝士加上湯種麵包,成件事好看之餘更是營養豐富又好味道,最重要是十分易做絕對是早餐快靚正之選 。
這天簡單吃燒賣拼煎蕃薯餅飽肚又方便,在荃灣幫小販姐姐買了兩大袋印尼蕃薯只須$20就有8磅之多,質素相當不錯又糯又甜仲好香超抵食,除了清蒸外我還會切粒煮麥皮而這天則用來煎蕃薯餅。
這陣子勁愛吃燒賣其中因由是余均益辣椒醬的魔力,那香辣惹味正正是小時候的味道令我很回味呢!

這餐好明顯是清雪櫃系列!上次弄的炸薯餅於冰格取出後入焗爐翻熱便吃得!
車爸爸有和牛漢堡扒配多片火腿和黒松露炒蛋,連同炸薯餅這份早餐真夠他爽了! 
我就清埋冰格的豬柳漢堡配火腿黒松露炒蛋,加多杯無糖凍檸茶夠我梳乎耶! 
最後這天吃好些以鮑魚通心粉做早餐,買了平到笑的鮮鮑魚$100有17隻用了6隻以鮑魚汁醃製一夜,之後用來煮通心粉伴以脆嫩生菜就得到好浮誇的早餐一份,其實加上冷熱飲品也最多只須$40便煮到這頓*矜貴*早餐,自家煮真係吃得便宜又安心啊~

留言

  1. 原來已經連韓式三文治都整埋,好靚呀!鮑魚通粉勁高貴呀,我食親通粉都想配件奶油多或蛋治,感覺更A餐。

    回覆刪除
  2. 個台式煎蛋餅整得好靚,車爸爸都係煮得之人

    回覆刪除

張貼留言

熱門文章