組長放題

是夜車爸爸約了舊朋友吃晚餐多謝朋友不嫌夜跟我們9:30pm才吃,為就車爸爸放工近一點便選了銅鑼灣組長食放題(車爸爸太大食了食Buffet,放題不致吃掉身家嘛haha~)$168任食2小時可坐得耐D慢慢傾嘛!!

喜歡飲清酒朋友一定開心C喇只加$18可無限任飲喔!

車爸爸飲韓啤我發現組長供應係可口可樂啱晒我咀型,友人純情哋飲忌廉溝鮮奶~ 

見有康師傅水蜜桃茶咦未飲過噃試番罐先,又幾香喎還不過甜~ 

酸辣鳳爪輕怡酸辣味對我嚟講搔不到癢處但也頗爽脆~

八爪魚漬幾好咬口都醃得入味~ 

付味螺肉我最like嘅前菜,味道沒差可惜有冰在內要放耐點才能吃啊~

友人大愛嘅枝豆一支公KO晒~勁揪 

唔知大家有否吃過元祿嘅辣冷麵呢?我十多年前便為之著迷見此處有組長香辣冷麵即刻叫一客來品嚐~須然唔係元祿嘅味道但也做得爽身略嫌醬汁太少啫~ 

車爸爸不吃辣另外點一份中華冷麵給他,看上似淡而無味不過吃下味道好清爽帶點醋香酸酸的頗醒胃~ 

好喜歡此店的壽司小小一口不會大大件質飽客人,火灸壽司水準也很讚飯頗軟糯不易散配料亦好吃如果燒得再香口D就更正了~

車爸爸大讚的北寄貝同赤貝壽司更要返點多次,我試了天使蝦一樣很讚爽口甜味好吃~

自問放題吃過無數間組長的手卷堅得,紫菜十分脆口加埋香脆軟殼蟹真係好吸引另外亦第一次喺放題食到鮟鱇魚肝軍艦甘香鮟鱇魚肝入口黏黏的我最愛這感覺好纏綿haha~

清酒煮蜆車爸爸的飛佛吃了兩round不過我略嫌酒味凋零

日式蟹粥如有我一定要食這家的蟹粥做得好吃綿滑粥底叫我一吃再吃共吃了兩大碗~

芝士年糕炸起不油OK啦~

大蝦天婦羅脆漿不厚身吃下都夠酥脆合格

吉列炸蠔外皮還可以不算太出色但用上廣島蠔一口咬下蠔汁四濺這驚喜實在加分不少~

七味豬頸扒第一次聽豬頸扒質感冇得輸彈牙爽口得很,沒甚醃製這個偏向吃原味重口味嘅朋友未必啱食但我就喜歡到不得了差不多由我清碟

少不了燒菠蘿,鹽燒冬菰燒得剛好超juicy,牛油小蕃薯識食一定要食啦,燒三文魚骹魚油豐盈的三文魚燒起香香的不錯呢~

食咗好多肉要叫牛油炒雜菌平衡下先 

刺身有10款我哋全部揀選晒其中最正係馬刀貝,油甘魚同白鳥貝兩隻貝類都脆口得來很鮮甜油甘魚吃落也有魚油香~唔錯

最後食埋店家自制泡芙聚舊飯就完滿結束期待再跟你再聚呀~