車婆婆七十大壽

上星期日係車婆婆七十大壽我哋去咗悅來酒店殷悅攪生日宴首先要多謝酒店PR Kammi & Polly幫手張羅,媽媽及親友非常滿意安排送給媽媽的美美花束希望她歡喜啦^0^                                                     

我哋一圍18人可以痴痴呆呆坐埋一檯哈哈~ 

我哋羅家四口~ 

點少得老嫩莫小姐莫家得我哋兩位莫小姐咋~ 

大合照笑料一樁第一張大合照影完後先發現漏咗去了洗手間的二哥最後又要麻煩侍應哥哥再影過啦~ 

當晚仲有表妹囡囡包包小姐助興一個月不見又唔同咗樣呀真係超得意囉^0^ 

車哥哥女友Choco更訂製了一個好美又好吃嘅生日蛋糕送比車婆婆~ 

係時候上菜了五小碟分別係12點起爽脆千層峰,雲海伴秋葵,西班牙黑豚叉燒,舟山海蜇同潮蓮燒鵝當中我最欣賞雲海伴秋葵雲耳爽口那香醋酸甜適中秋葵更是好吃另外舟山海蜇也爽脆非常帶著麻香好正~ 

沙當尼明蝦球那彈牙鮮味的蝦球現在還回味呢~

百花釀蟹鉗剛炸起的蟹鉗彈性極佳的蝦膠加上熱烘烘那會不好吃呀~

黑松露醬燒牛柳粒我不吃牛但也試了露荀同菇菇須然黑松露味不重但味道確不錯,車爸爸說牛柳粒鹹了點但很淋還頗有牛味~ 

瑤柱花膠燴海皇我已承諾不吃魚翅所以大家都要陪我食瑤柱花膠燴海皇好足料魚每口都吃到花膠香蝦仁最重要係湯羹濃稠適中入口好舒服~

金錢扒鮑螺片那花菇真係厚肉到爆又夠淋滑入味師傅好功夫啊!!鮑螺片即時被比下去了~

清蒸沙巴龍躉起孖上每條應足3斤重又要讚下廚師手勢一流,魚肉剛熟那豉油味道調配得宜相得益彰令沙巴龍躉發放光芒~ 

脆皮醬燒雞又係好得我歡心雞肉嫩滑不過鹹(經常吃到又鹹又嚡的)

珍菌鮑汁伊麵極受歡迎我哋19人有13人要食佢都分到每人一碗大家可想而知殷悅D菜份量多大啦~味道真係冇得輸而且絕不油膩好掂,其實仲有個薑米紅米海鮮炒飯大家已吃不下要打包呢~ 

鮮果拼盤逃不過打包的命運~ 

楊枝甘露這甜品如愛吃奶的朋友應該會好喜歡還足料得很喔~

生日食壽包是常識吧!!包皮軟熟蓮蓉餡也香滑不過甜~真好味