天際萬豪酒店@中菜廳"點點心思"放題點心

上週五甜魔媽媽相約與爐兄同往萬豪中菜廳品嚐高質兼抵食的"點點心思"放題午餐,逢星期一至五$188/位+10%東涌居民可享85折加埋$20茶芥都不用$200便可享多達38款任食點心和粥粉麵飯,如果係機場職員及萬譽會會員更可享75折優惠真係抵爆~

我哋兩個女人仔加MC兄妹食住等未收工的爐兄,咸水角熱烘烘的上檯炸得不油膩吃下亦冇黏牙超好吃~

海鮮南瓜酥香脆富甜甜南瓜香喜愛此物者應該歡喜~

蘋果鵝肝酥我已介掉吃鵝肝多年但這賣相太別緻要介紹下~聽聞味道不錯~

點心陸續出場有韮皇鮮蝦腸腸粉皮不算透薄但也富米香餡料超多大大隻爽口大蝦足夠彌補,北菇棉花雞同雜醬鳳爪係我至愛點心魚肚索晒雞肉味超滋味雞肉夠滑唔錯呀,鳳爪夠晒入味吮到唔捨得停呢,中間嘅係流心花枝丸流心係用龍蝦湯做成頗特色味道也夾架~

野菌彩蝶餃皮夠晒薄內藏滿香香的菇菌清爽好吃冇負擔~

水晶鮮蝦餃外皮夾起好企理吃下不黏牙蝦肉爽口鮮味富彈性頗美味~

叉燒包個子少少的好的式包身鬆軟妹妹吃得好滋味呢~

流沙奶皇包同樣鬆軟好吃做到流沙效果香甜誘人

Matthew仔未到已講明要蘿蔔糕質感正常冇油淋淋的情況~

到這時爐兄趕到一起殺戮素叉燒拼甜酸齋我已飽到吃不下了~

瑤柱滑雞粥須然好鬼飽都試了一口好足料粥底綿滑有米香好吃~

麻辣鴨腎味道對版鴨腎爽口帶點不過份的麻辣吃得麻香脆挺過癮~

甜點不多奶皇馬拉卷包身軟綿綿內餡香甜頗吸引

叉燒湯麵叉燒肉質比較鬆但味道不錯點知麵才是亮點沒梘水味浸久了亦無軟爛我哋仲用檯上的XO醬轉化成XO醬撈麵真係超得~

再來叉燒腸味道正常和蘆筍帶子腸我吃的那件沒有蘆筍但帶子有吃得到鮮味,香煎菜肉餃皮薄煎得頗香內餡如換成韮菜相信更吸引我~

北茹滑雞蒸飯和陳皮牛肉蒸飯乖我冇試了不過睇見都覺好味啦~