陸陸雞煲

氣溫驟降食熱辣辣的雞煲最啱時候,素聞陸陸雞煲質素不俗一於要去一探虛實,今次去的是白布街分店~

店子分上下兩層裝修簡潔我們被安排在樓下用膳~

甫坐下侍應便送上冰鎮車厘茄和車爸爸勁讚的清甜西瓜件~

叫兩款小吃食住等雞煲來炸魚片頭$48口感彈牙有魚味好吃~

惹味牛肚$38用上金錢肚外剛內柔質地夠淋但肚面金錢紋就有點硬香料味極之濃郁帶中辣度愛重口味的我覺得挺合意喎~

青檸梳打$48/jar成品勁大支足夠二人分享除了青檸還加上薄荷葉味道好清爽而且甜度適中確係解辣良品~

試完青檸梳打貪心的我見隔離檯的芒果沙冰$32很吸引也叫杯試試,沙冰打得幼滑芒果味香濃甜度調配很合我意喝到最後也沒變得淡味~

陸陸雞煲$138(例)備有BB辣至大辣5種辣度選擇,要就就車爸爸叫了微辣約等20min雞煲便熱騰騰上檯喇,侍應會幫客人炒焗數分鐘後才給予享用打開蓋時香氣撲鼻煲內有為數不少的雞件,雞肉熟度剛好質地頗嫩味道不會死辣香料味很出及帶有麻香~

食雞煲最襯梗係薯粉$20仲要係呢款扁身牌版,侍應建議在未加湯時將薯粉下煲將之焗至入味煮起時吸盡精華真係好好吃~

食完雞煲就加湯打邊爐喇桂花蚌X珊瑚蚌$98我愛前者他愛後者可以來一個雙拼實在完美兩款都超新鮮動人又夠大件不會碎濕濕大推 ^0^

巨型珍寶帆立貝$128/4隻生料時看都達L Size級~

 灼熟後沒有縮小太多吃下更鮮甜無比店子的海鮮水產值得品嚐~

車爸爸的手切肥牛$148(例)一碟有10多片色澤嫣紅雪花均勻見他一口接一口通通吃光光我須不吃牛都感質素不俗啊~

百花X咸牛芝士釀油條$68索味料淥到入味那會不好吃呢~

炸響鈴$40自家泡製大家一定要試須然上檯不是熱烘烘但可就咁當小食吃酥脆不油膩帶豆香真的很讚,想熱吃落湯10秒已足夠索爆湯的響鈴又別有一番風味!!

陸陸八寶丸$98貪心的我倆叫了八寶丸一次嚐盡8款口味真開心,當中我最愛口感很正黑漆漆的墨丸和肉味香濃彈牙的豬肉丸~

食埋咁多肉梗係要D蔬菜清新下啦唔使煩叫個蔬菜籃$68有油麥菜,金菇,蕃茄,粟米,鮮冬菰同娃娃菜各款都鮮嫩可口~不知為何吃完帶著暖暖身軀回家的感覺很溫馨又有點浪漫^0^