激動飯聚之餵飽甜胃

在滿江紅吃罷辣菜後當然要好好慰藉一吓甜胃啦!!Blog友仔C小姐想去PAN de PAIN食pancake當然奉陪啦!!但各人又想試剛開張的Ufufu Cafe最後大家決定上去睇睇,不過8點到時侍應說要9點才有位呢!!那便留下電話後轉戰Pan de Pain啦~

現在熱潮已過了去到直入便可喇,還有不少吉位添^0^

本身想叫3份5人分吃,可惜店方要每位都Order食物或飲品,那我們唯有七嘴八舌的揀甜品,飲品囉!!

一於要叫杯Ice Lemon Tea$38重溫一吓係下圖2014年第一次Blog聚的經典相片先^0^

今年這張還有5美呢(睇唔倒樣那一定係靚女啦哈哈....),可惜身型龐大的車媽媽將嬌小玲瓏的Oli吞沒了,看來減肥係時候了!!

{Pan de Pain}$78,煎至焦香多士上沾滿拉絲的焦糖,吃下質感較硬但係我很喜歡這口感喎!!還伴有一少兜生果伴吃解膩,唔錯唔錯^0^

上次已吃過的{Souffle}$68,質感依舊軟綿輕盈蛋香須不足,不過沾少許楓糖漿和輕柔不膩的Cream同吃很易便將我迷倒了~

{Tiramsu}$88入口質感跟吃蛋糕雷同,酒香味亦交足功課,比起上次又硬又實的Strawberry好吃千倍!!

最後{Cream Brulee}$78這款鬆餅質感較實,伴上一球雲尼拿雪糕吃可以加點分數嘅,坦白講對這店真的沒多喜愛,而且價位偏高這次應是最後一趟來幫襯

其實到20:20Ufufu Cafe那邊有電話來說已有位了,我們便吃完Hot Cake又浩浩蕩蕩趕過去啦!!

講真未吃前對此店有千千萬萬的瑕遐想,不知味道是否真的那麼吸引呢??

先講環境一開lift門便是Reception左邊行進去係座位及廚房,而右而亦有數張檯的位置自成一角,還有一點意料不到的是"味道"好彩我不是{看見味道的中女},若果唔係真的眼花撩亂,因為我們只聞到*金鳳的味道*~

好不容易在100款芭菲中選出3款,{日本蜜桃芭菲}$120價值不菲的一客甜品,貴的地方主要係全材料由日本正送可惜確未做到物有所值,除了日本蜜桃清甜多汁外再找不到可讚賞的地方,雪糕上檯時已半溶,忌廉入口肥膩得很同Pan de Pain冇得揮,最不喜歡它用西瓜墊底完全九唔搭八,好失敗好失敗啊!!!

{豆腐花X芒果芭菲}$78,寫明用香港豆腐花怪不得那麼百X味,不過豆腐花碎得很難用匙食用如加上飲管比較易入口,忌廉依舊肥膩,芒果粒香甜,雪糕味道就一般,又是沒帶出絲毫驚喜!!

{小倉練孔伴雲尼拿X抹茶雪糕芭菲}$65,抹茶雪糕味道不夠甘香,亦是快溶很交關,伴有栗子,白玉,紅荳蓉及西瓜.....唉又係西瓜救命啊~整杯只有粒白玉最好味真悲哀!!