圓願

第五場生日飯係"幾條冷食番餐"的成員跟我慶祝,多謝他們細心哋選了浙江軒,圓了我想吃椒鹽元蹄的夢。

一入內便看見這巨型魚缸生氣勃勃的，當晚還見有不少小朋友看得不亦樂乎呢！

小吃係海苔花生，香脆可口，不過車媽媽不敢多吃呢！

冷盤點了{燻蛋}$54/3隻和{蔥油紅蜇頭}$150。

燻蛋煙燻味挺出，蛋白柔軟，而蛋黃亦軟糯甘香，如可再盪漾多點點就完美了！

 蔥油紅蜇頭麻香未算出色，海蜇頭質感較硬實，未能帶出爽脆口感。

{椒鹽元蹄}$360，一上檯被驚豔的蹄膀靚樣嚇呆，龐大而肥美的腿腿不知我們能否合5人之力將之殲滅呢？

侍應生待相機吃飽後便給我們用剪刀分成小件方便我們各人享用。

元蹄做得好乾身，比起平常吃到紅燒的版本更為可口，椒鹽的豬皮軟糯黏咀，而肉質亦鬆化好吃，最重要係這煮法沒那麼油膩，最終我們亦差不多將之吃光光了*^O^*

伴旁的並非珍珠葉，而係用芥蘭葉炸成香脆惹味配菜，多了一份芥蘭香氣好特別喔！！

{剁椒魚頭}$260巨型的大魚頭上鋪滿香辣的剁椒，橙紅誘人的色調令人口水即時決堤喔!!

大魚頭味道鮮甜嫩滑，片片的魚雲吮得我好滿足，剁椒香辣惹味，係略嫌過鹹了丁點，正好叫碗{陽春麵}$45來伴吃，真係要說句只有真情趣呢!!

                                                                                                              

濃油赤醬過後當然要清爽D吃碟菜啦!{豆板莧菜}$110，莧菜青蔥鮮嫩，減膩消滯，係有點少貴囉！！

好友Nelson兄吃不了辣便由Frankie推介多一款名菜{目魚紅燒肉}$240，這菜充份發揮濃油赤醬本色，光澤滿滿的紅燒菜式淨看已令人垂涎三尺。

目魚乃上海人稱呼其實即係墨魚，這墨魚係處理過的乾品而非新鮮,質地唔係煙韌彈牙而係軟淋一絲絲的，但係佢嘅香氣就深深進入咗去腩肉深處，那黏糯煙韌嘅豬皮，吃得車媽媽非常愜意喔(╯з╰)

{韭菜鮮肉煎軟餅}$42/3隻，韭菜餅底面已給煎至焦香，咬下先係香脆然後係軟糯，感覺像煎香了的茶果般，中間嘅餡料亦都香口非常，我真的很喜歡它呀！

{壽包}$90/6隻，多謝好友們幫我預備咗勁好食嘅壽包。

佢並唔係一般嘅蓮蓉壽包，而係紅豆沙餡嘅壽包來的，紅豆餡幼滑起沙 ，而且甜而不膩，真係好好好味喔*^O^*

多謝大家瞓身落力嘅浮誇演出，這個生日晚宴我真係十分開心，今年生日真的很難忘又豐盛，一班唔係識咗好耐嘅朋友，但係我哋內心都充滿著對方，充滿愛I Love You All(^_-)

雖然當晚美中不足車爸爸因為要OT未能一同慶祝，只能在地鐵站跟我一齊回家，但係個傻佬唔知係邊度變咗兩件蛋糕仔出嚟做我嘅生日蛋糕，真係充滿驚喜啊*^O^*

車爸爸先將那個開心果蛋糕取出 ，給我許願吹和蠟燭。

當我吹完蠟燭後佢又再喺廚房攞埋呢朶花出嚟，話送花俾我喎古古惑惑鬼鬼馬馬，這便是車爸爸的Style啦！不過真係好多謝他安排了這驚喜(^_-)

車媽媽都係嗰一句啦！我嘅生日願望就係我身邊嘅所有人都身體健康，生活愉快*^O^*