中秋月餅份外甜

這天到太古城參與L'Eclair de Genie太古新店中秋節Event，我這個死心粉絲當然要捧場啦，即刻拉 埋好友去探吓我最愛的泡芙先。  

兩款｛中秋節閃電泡芙｝5/9才正式上市，有幸率先品嚐{紅豆黑芝麻閃電泡芙}＄48，面層係黑芝麻忌廉，味道香濃軟滑，而內裡灌滿紅豆忌廉，加上黑芝麻脆脆，成件事香滑可口，仲有可愛的白朱古力月亮，中秋感覺特强。

而另一款應節的係{法式閃電泡芙月餅}$48，面層破格哋用上金黃月餅皮製成，仲壓埋暗花呢好仔細，而內裡係酸微的士多啤梨碰上花生醬，那火花令人感到驚喜，又酸又香的味道，真令人難而忘懷。

即場還有英國美女為我們畫水彩人像，健談的她不消5min便完成。

吃罷泡芙後見到佢哋仲推出埋中秋朱古力月球和月餅，從來不自私的車媽媽當然要每款帶一隻回家同車爸爸分享啦！

左面係｛瑰金迎月｝$58，右面為｛甜蜜滿月｝$58。

如果想送禮仲有｛月戀秋悦禮盒｝$388可選呢！

{瑰金迎月}係用黑朱古力餅內有牛奶朱古力和杏仁醬餡，配上香脆的卜卜米，面層有矜貴的金箔片，送禮真夠體頭。

而{甜蜜滿月}係用上40％濃度的法國牛奶朱古力造型出鮮明的月球形狀，內裡係棒子朱古力，味道醇香甜美，我十分喜歡啊！