25 10月, 2016

虛偽*芝*味

上年車車做完手術後第一餐跟朋友吃的便是川燒事隔一年多再重臨店子感受良多,可幸的是車車上月已平安渡過他的16歲生日,現正卜卜脆的享受狗生,車媽媽巳很安慰了!
這夜約了幾位好友共聚,我更鬼馬哋安排了一位好友跟另外兩位多年沒見的朋友相認,這個小驚喜希望大家也開心啦!相逢後大家先揀杯飲品傾傾計聚舊先啦!
我們5人有4位也不約而同選了{青檸話梅梳打}$28,味道酸香微甜解渴一流,這夜人人也飲了兩杯呢。
不消一會美食陸續上檯了,先米{黑松露豚肉芝士燒紐西蘭大蘑菇}$48/隻,大啡菇燒得十分Juicy,配搭香口芝士以及香氣撲鼻黑松露醬,呢個前菜我表示十分滿意呢!
{燒一口脆腐乳}$18/串 豆腐卜內釀入腐乳醬一同來燒香,吃下外面乾脆可口內裏濃香惹味,而且鹹味恰好超級好吃呀,這個可以喺屋企做下Copy Cat喎!
{蒜香肉碎燒茄子}$38 從來我都係茄子嘅粉絲,有香香的肉碎在內其實味道係不俗的,但我略嫌茄子燒得太過淋身了!
{冰爽涼拌黑木珍珠耳}$36 這個涼菜味道麻麻辣辣的,吃下木耳爽脆,作為前菜合格呀。
到今日嘅主角{芝士海龍王}$188 出場啦,店方做緊推廣只要加一蚊雞便可以加上海膽一同燒超抵呀!這個龍蝦一上枱我哋大家都一致認為佢似玩具 多一點哈哈!
但係食落我可以話比大家知虛偽的外表內裡藏著了多汁,鮮甜,惹味共冶一身,而且還有香滑嘅馬糞海膽陪襯,這個價位絕對冇得輸囉。
芝士迷的我絕對唔會放過食芝士的機會,再嚟多一份{四重芝士黑豚鍋配烤餅}$128。
用上四種芝士燒至纏綿焦香,加上香口的黑豚肉吃下香而不膩,令人無法抗拒呢!
在座有四位都係辣中之女,當然要點啲勁辣美食啦!{燒麻辣田雞串}$28 田雞肉質很嫩滑,但係麻辣味都仲係未夠刺激,加多一點點更討我歡心呀!
辣開不要停{川辣酒煮東風螺}$48,份量超足的東風螺汁料十分香濃惹味,而且東風螺亦浸得十分夠味但肉質又嫩滑沒有一絲韌的感覺,但係我真係太喜歡勁辣了還是未到我心水辣度喔!
有兩位壯男喺度當然要叫啲飽肚嘅食物啦,這個名叫{板燒麻辣芝士麵}$58,用上可愛小鑊上檯賣相精美。
其實辣同芝士從來都係好朋友,這個麵的味道十分不俗,富芝士香氣之餘滲出微微辣度,但係車媽媽就嫌佢個面淥得太過淋了,如果唔係我必定清鑊(^_^;)
最後梗係要個甜品埋尾啦!{燒芝麻湯圓}$22,呢個湯圓認真過癮,將外皮燒至焦香,咬開後內裏的芝麻餡勢如破竹的流出,大家吃時小心辣親嘴呀(^_-)

4 則留言: