11 11月, 2016

創意秋冬滋補菜@沙田18

超開心這天又可跟一衆好有到食品出位的沙田18品嚐一系列秋冬滋補菜,心裏滿是興奮,尤記得上一趟吃過的剁椒龍躉腩蒸腸粉,令車媽媽像觸電般愛上沙田18。


事隔五月再到訪仍就像當初般瘋狂的愛它,紮實的煮功,創新的意念,令人印象真的太深刻了吧!
最喜歡這兒的開放式廚房,各房師父一舉一動的功夫都盡入眼簾,令客人吃得更加滿足!


依舊爽脆的前菜醃蘿蔔仍然令我怦然心動,好吃得難以停口。
率先上檯前菜係{薑蔥茸水雲涼拌鮮淮山},估不到用上薑蔥配上獨特的水雲竟有如此相佳的效果,淮山更是爽口非常十分可口呢!
但係最正嘅係呢一支芥末油,它的刺激程度不下於真正的wasabi,加了在淮山上增添刺激香氣,令這菜昇華不少喔!
話明係秋冬滋補菜湯羹梗係特別滋潤啦!{潮州青欖瑤柱燉花膠},青欖有生津止渴之功效,加上原粒瑤柱和養顏花膠,湯味鮮香滋潤,矜貴得來十分好喝。




接著到主菜部分先上檯係{莞城臘腸粉芋蒸田雞},用上越南超大隻田雞,所以腿腿十分雄壯。
田雞咬下嫩滑多肉又鮮甜,臘腸香而不膩,如果芋頭再粉淋多些便更合我心意喔!
接下來係{砵酒洋蔥牛肉粒脆響鈴},牛肉粒我就試唔到喇,但係砵酒汁響鈴我試了一件,味道帶點砵酒的酸香,食味都幾特別㗎!
這個{魚湯浸菠菜}真的了不起,那個魚湯香濃非常,喝得到用上了超多鮮魚淆成,而且沒有半點腥味,菠菜亦都滑溜不鞋口,還有那香氣十足的腐皮,成件事令人太滿足了!
這次同樣有腸粉可以重溫呢!不過換成了{欖菜季豆炒布拉腸粉}, 真的很佩服師父的心思,將欖菜四季豆加入腸粉來製成一個小菜,夠晒特色誠意十足,而且味道十分香口呢。
吃吧這麼多特色的滋補菜後到我們大家都十分期待嘅甜品時間了!
點算呀師父點解咁叻架!可以將涼瓜子薑做成雪葩,仲要好好食呀!涼瓜雪葩甘而不苦,入口還帶酸香子薑味,味道清新可人。
另一驚喜{酸薑蕎頭脆蛋卷},那會估到師傅將酸蕎頭華麗轉身成餡料釀進蛋卷中,首先蛋卷吃下十分鬆化,而內裡的酸薑橋頭餡完完全全融會在蛋卷中,真的令人驚喜萬分呢!
最後還有龍井陳皮紅豆酥,香氣撲鼻的陳皮加上甜味嘅紅豆蓉,酥化不乾身很有心思,每次到這兒都充滿驚喜,好期待下次再到來飯聚喔^0^

4 則留言:

  1. 有日呢邊得幾度,見到妳呢餐,實在令人太。羨。慕。啦!

    好在我都唔執輸,嘆緊奶茶菠蘿油啫,嘻嘻!

    回覆刪除
  2. 溝出o黎啲味道真係幾特別

    回覆刪除