花心之選

花對車媽媽來說沒太重要，但論到收花又未嘗不是件窩心的美事，這天到位於香港我最喜歡的街內Maison es嘆了一場由Maison ES X Hahahaflorist推出的限定*花樣田園*法式下午茶。

位於灣仔星街一角的Maison es 已是第二次到訪了，那粉綠田園門口還是讓人置身於法國小街中般，充滿悠閒感覺真的很討人歡心。

內裡黑板上係用人手畫上充滿藝術性的餐牌，這便是餐廳的獨特個性，我鍾意！

而室內嘅環境亦都係一絲不苟，如果沒特別想起真的感覺不了自己仍身處香港呢！

這位型格嘅靚女就係餐廳的行政總廚兼創辦人*Chef Esther Sham*，這天我們幸運哋可以從她手上接過一朵清新脫俗的肯亞玫瑰。

由現在起至12月18日於餐廳內享用*花樣田園*下午茶$488/2位（$250/位）的客人，均可以獲贈Hahahaflorist的單枝玫瑰花盒(價值$250)。

好了收完花係時候要嘆下下午茶喇！值得一提係這個下午茶的盛器，係由Esther親手逐一將廢棄的木箱翻新製成，這一個下午茶加入了這樣良好的環保意識，更加值得大家去嘆一次啊~

先為大家送上嘅係一杯{士多啤梨梳打}，味道清香怡人，怪你過分美麗，可唔可以飲多一杯喔！！

原味及提子味鬆餅亦都同時間送上，配上輕忌廉和無花果醬真的好誘人，可惜午餐我實在吃得太滿足了！！唯有忍痛放棄。

習慣性我都係會吃鹹點先，這兒下午茶鹹點有三款，先有惹味香口的{千島醬蝦多士}，這個蝦多士用盒子造型上場，賣相已經十分誘人，味道亦十分好吃，多士成件都香脆非常可口，蝦肉鮮嫩彈牙，配上我喜歡的千島醬，我覺得很出色。

而這個{薄荷蛋沙律青瓜杯}，雖然被比下去了，但喜歡清新的朋友絕對會愛吃它的！

最後一款甜點係，{法國鵝肝醬多士配菠蘿酸甜醬}，車媽媽戒掉鵝肝已久，唯有送給朋友好好享用吧！聽聞質素亦都十分不俗呢！

這份下午茶甜點比例十分高有成七款咁多，先介紹我最喜歡哪一款，{橙花水啫喱雲呢拿奶凍}， 橙花啫喱帶幽幽香氣，加上不過甜的雲呢拿奶凍，入口質感很舒服，味道亦都好有將色。

後的係{玫瑰雲呢拿味忌廉杯子蛋糕}，我可以講嘅係呢種質感嘅杯子蛋糕唔係我杯茶，而前方那一件{朱古力雜莓撻}，質感和朱古力的味道恰好，絕對係朱古力迷之選！

接著下來呢一款係{朱古力魔鬼蛋糕伴羅勒葉}，意念真的十分創新， 但羅勒葉嘅味道唔算太突出，如果朱古蛋糕能再濕潤多些，應該更加吸引！

最後一款係帶有日式風情的{紅豆蓉忌廉花型餡餅}，應該係我見過下午茶點中最巨型的點心，不過餡餅鬆軟紅豆忌廉蓉輕甜軟滑，亦是美味的珍品。

最後還有超好味的伯爵茶作為解膩之用。

做女人切忌花心，但係這樣的花心下午茶，我又唔介意花多幾次喔！！