22 12月, 2016

窩心聖誕自助餐

聖誕節自助餐系列又點能夠少城中名餐廳Yamm呢!🎄🎅
Yamm的自助餐有多鼎盛不需要我多講,不過循例都介紹下比大家睇下有啲咩好嘢食啦,這夜即開生蠔有兩款選擇,包括美國及法國的佳麗。
凍海鮮選擇亦超多有青口,大蝦🍤,鱈場蟹腳,埋麵包蟹。
當然唔少得呢一個宏偉的龍蝦山啦,仲有靚海螺添🐚。


凍肉方便就有煙鴨胸,煙三文魚,巴馬火腿同沙樂美腸,仲有意大利豬肉腸同蘑菇豬肉腸呢,超多選擇。








現成沙律有意粉沙律同埋勁好食嘅薯仔沙律。
自助沙律區內有各式各樣新鮮蔬菜,客人可以隨心混出自己喜好,當中有我最愛嘅火箭菜已經夠我開心了😄。
而這個現成嘅沙律當中有一個泰式菠蘿沙律🍍超好味,又香又辣酸酸甜甜開胃度十足呢!
切粒生果每款也新鮮多汁又香甜,尤其係菠蘿超正。
芝士區嘅陣容亦都十分強大,選擇有六款之多總有一款啱大家口味啦。


但係最正當然係有呢款瑞士熱溶芝士啦,當晚識食的小男神吃了好幾轉呢!
刺身區款式就選擇唔多不過勝在夠新鮮,有三文魚,八爪魚同埋吞拿魚刺身。
反而壽司卷物選擇十分之多而且質素亦超高,少少的一件可以試多幾款都唔怕太佔胃呢!
凍食推介紹完而家到熱辣辣嘅美食喇!今次有呢款新出的海鮮灌湯餃。
看下去湯底挺香濃呢。😍
百中式點心方面有上海小籠包和羅漢齋餃。


甜酸雞球,清蒸沙巴龍躉,竹生魚絲蝦子醬浸時蔬,燉雜菜。






香口嘅亦都有蟹餅配蛋黃忌廉汁,鵝肝配海鮮汁木魚薄片及芝麻,惹味香濃嘅紅酒燴牛尾。




燒鴨胸及勁好吃的泰式燒豬頸肉半羅望子汁,味噌三文魚伴西班牙辣肉腸。




燒烤方便有燒羊架🐐,老虎蝦🍤,美國有骨肉眼牛扒和威靈頓牛肉🐂,聖誕節當然唔少得有燒火雞啦🐓。








想食得健康啲有蕃薯🍠及栗子呢。
最後仲有超惹味嘅蟹肉粉絲鍋車媽媽勁推介。
今日嘅湯品有西蘭花忌廉湯🍀,同埋海鮮南瓜羹🎃。


另外亦都有任飲飲品供應,今日供應嘅係洛神花茶和菊花蜜。
不過全晚最有驚喜嘅絕對係甜品Corner,先有觸目的日本抹茶40%白朱古力噴泉。
連配料亦都睇頭十足,你看那粒棉花糖大到呢!而士多啤梨🍓亦香甜好吃質素十分之高呢。
呢個係綠茶慕絲糯米糍賣相超可愛呀。
另外還有顏色十分之鮮艷的綠茶泡芙以及香檳啫喱,仲有抹茶千層蛋糕。


來過Yamm一定對馬卡龍塔唔陌生吃。
士多啤梨撻,雜錦果撻都小巧精緻,試多幾款都可以。
放在甜品架上仲有柚子朱古力牛奶布甸,柚子無花果芝士蛋糕,朱古力蛋白,藍莓芝士蛋糕和木糠布甸。








但講到聖誕節又點少得薑餅屋呀!呢個薑餅屋賣相真係十分之精緻喔!🏡


聖誕甜品當然係唔少得樹頭蛋糕啦,呢度有款聖誕節嘅栗子樹頭蛋糕都幾香滑好味㗎!
怎會少得聖誕朱古力樹頭蛋糕呢,不過呢個樹頭蛋糕真係好甜美囉!
呢個係聖誕節白蘭地蛋白撻,口味都幾特別喎!
意大利朱古力餅看落去好濃厚,應該會幾好食呢。
葡撻同埋麵包布甸,最後仲有聖誕節百果餡餅,核桃批以及各式曲奇。






介紹完一系列美食後,終於到我哋開餐喇。😋😋
第一時間當然要試生蠔啦!呢一款美國佳麗有驚喜喎鮮味香濃,雖然質地唔算好脆口,但係整體表現十分之得我歡心啊~💓
其實法國蠔味道也不俗,而且新型亦都較為豐滿,不過今次終於比美國嘅佳麗比下去了!
凍海鮮當然要食龍蝦啦,肉質好爽彈,另外大蝦和鱈場蟹腳都係新鮮好吃的貨色,不過真係要留番D位比其他美食,所以只能淺嚐吧!


吃罷美味海鮮,整番碟自製沙律前菜,減低眾罪惡感先,樣樣都攞少許啦,生果,芝士,燒雜菜當然唔少得我最愛巴馬火腿啦😁。
生果粒真係好新鮮好甜,尤其是菠蘿夾埋我最鍾意嘅巴馬火腿,好食到一個點呀👍。
食咗咁多凍冰冰美食,當然要食返啲熱辣辣的正點,呢碟當中我最鍾意嘅就係豬頸肉🐷,真係超級好味怪不得有得留底在自助餐內啦,而呢度嘅壽司質素亦十分之不錯,大家記住要試喔!另外仲有嗰個粉絲好鬼好味㗎,希望大家嚟到都可以試到啦!
這碗黑松露燉蛋白亦都係必食之選,蛋白幾嫩滑加上香氣十足黑松露醬,滑嘟嘟多吃兩杯都唔覺飽呀。
最後唔少得瑞士熱溶芝士,其實可配薯仔或多士,因為實在太多嘢食嘅關係,我只點了淨芝士,質感煙煙韌韌,鹹香十足真係好好味,怪不得Matthew仔吃了數轉才停口啦。
鹹胃已經完全滿足了,而家就要餵飽我嘅甜胃嘞!
仲有這夜供應大師五款雪糕,不過太飽的關係,我只能夠吃一球紅莓雪糕咋🍧!
試咗咁多款甜品中我最鍾意係呢個香檳啫喱喎,質感好軟滑加埋幽幽香檳味道,仲有仿三文魚子的甜美爆珠,好精彩又超美味。
最後這夜我收到小肥男神親手寫給我的聖誕卡,車媽媽真的暖在心頭喔!呢一餐確確實實係最窩心的自助晚餐啊💗~

6 則留言:

  1. 依餐真係太豐富太飽足喇~~~~

    回覆刪除
  2. 好多芝士食呀,好難忍口架喎!

    回覆刪除
    回覆
    1. 尤其係熱溶芝士,正到一個點呢!

      刪除
  3. 用龍蝦山嚟形容真係好貼切
    咁多相又長盡....樣樣都好想食,佢D食物係有質素

    回覆刪除
    回覆
    1. Yamm都係城中數一數二的自助餐^0^

      刪除