懷念年輕的九龍城!

九龍城係車媽媽同車爸爸年輕時經常拍拖之地👫,記得以前常在皇朝酒吧掟飛鏢🎯,唱歌🎶飲酒🍻年輕多美妙喔!而每晚宵夜都九成喺附近打邊爐🍲,如厚福館,金記全部都係我哋經常會幫襯的火鍋店。
今晚我就要同車爸爸來到九龍城再次重溫拍拖滋味,我哋跟好友們揀咗有D情意結的龍城金記須然同叫金記但與當年的那間金記並無關係。
打邊爐梗係要有好友可口可樂啦!
混好過靚醬後就要預備大快朵頤喇😋。
先整個小食嘆下先酥炸魚片頭$78,炸得熱辣辣,口感彈牙,味道亦都幾出色。
今晚食好D揀花竹蝦刺身🍤$400,同南非鮑魚刺身$236。
花竹蝦刺身爽口爽口鮮甜,還附上矜貴的金箔,看上去增添貴氣。
法國生蠔半打$348,呢隻法國佳麗超肥美,入口亦Creamy不過鮮味唔算十分濃郁!


湯底選了滋補蟲草花雞$118拼胡椒豬軟骨湯+$10,都好足料夠味架。
生料點了特大鮮魚頭足十六両重$128,滑嘟嘟的魚云沒帶一點腥味,夠晒新鮮好味。
仲有呢一個豬紅$38嫩滑有味的豬紅現在已經好難得食到呢!本來想點多一客可惜經已全部售罄😭。
另外點了我最鍾意的邪惡鮮雞腸併鵝掌$98,肥美十足的雙腸以雞腸最為出色,肥美邪惡軸心首領非它莫屬,好吃得要再Encore多一碟呢😋。後方又係我愛吃的桂花蚌$118 吃起來爽口又鮮甜,都唔明點解海參腸都可以咁好食嘅。
不得不提這兒的雞子$128絕對係新鮮貨,外皮脆卜卜內裏粉嫩好吃,滑得像吃豆腐般嫩滑,好吃得令人讚嘆不已👍。
打邊爐梗係要食炸響鈴$58,炸得很鬆脆,而且沒多餘油分,質素很不錯。
肉類方面我就最喜歡呢一個西班牙黑毛豬條$128🐷。
灼熟後口感紮實彈牙,肉味香濃,這個黑毛豬條係車媽媽心水推介😉。
仲有野生竹笙$88而家在外很難吃到竹笙連頭,知唔知人哋要做多幾多功夫呀!呢竹笙入口很爽脆,果然係野靚貨。
最後梗係要整個索味自家製魚麵$48嘆吓啦。
魚麵吃下質感爽彈,索晒濃香湯味,真係一條接一條吃不停口啊~

留言

張貼留言

熱門文章