02 1月, 2017

擔番口大雪茄!

擔番口大雪茄,充生晒扮呀經理,粵語片梁醒波的名曲為何無故哼起它?🎶咪因為這夜車媽媽要去了期待已久的大班樓吃飯囉!今日係新一年的開始一於帶大家食豪DD啦。🎉
先品嚐小吃{九層塔糖漬小蕃茄配香茅甜梨}🍅🍐,車厘茄帶幽幽香料味入口好Juicy,而香茅梨質感挺爽脆可口,兩款也開胃非常呢。
接下來是{金錢蟹肉香菇盒}🍄,炸得酥香不油膩,內裏有不少蟹肉和菇菌,味道濃香口感香脆,是款很開胃的小吃。


{川味香辣紐西蘭小羊腩},唔食羊嘅我乖乖咁送畀朋友食埋我嗰份,所以呢個就唔評論啦。😉
跟住{煙燻澳洲青邊鮑魚配特大冬菇}🍄,呢個菜煙燻味十分濃郁,淨係鼻哥👃已經十分享受了。
鮑魚質感軟淋煙韌具咬口,帶香濃煙燻味,加上濃而不俗的汁醬,簡直係人生一大享受,另外那件花菇也不容忽視呀!肥大肉厚質感滑溜好吃到不得了。
是日老火靚湯{花膠竹絲雞湯}🐥,不過還在回味緊那件鮑魚的同時,飲呢個湯好似有D不公平。
飲落我覺得味道不算十分濃郁,但係都清甜的而且內裏有不少嘅花膠件,只這一點已經夠矜貴啦。
飲完湯要吃{雞油花雕蒸花蟹配陳村粉},這是未嚟之前我最期待的菜式。
超大隻嘅紅花蟹而家喺香港真係不容易買到,就算買到價錢亦都十分昂貴💰。
大班樓用上雞油花雕來蒸花蟹,再配合索味的陳村粉,我覺得這配搭最妙👍。
車媽媽好幸運得到蟹鉗位置,蟹肉鮮甜又多汁,真的滋味無窮,而陳村粉索盡雞油花雕的味道,本來應係好出色的,但我覺得花雕嘅散發時間可以久一點,對我嚟講就應該更加出色了。
這夜驚喜不止於大紅花蟹,呢一隻{胡椒滷水鵝}係我全晚最喜歡的一道菜,幽香刺激的胡椒香氣,清而不俗的白滷水汁,浸出這隻七斤重的滷水鵝,出嚟味道鮮香,肉質嫩滑不油膩,真係十分之出色的一道菜😋。
{咸檸檬蒸蟶子}🍋好特別的配搭,聽到的時候覺得好奇怪,但係吃落口完全沒違和感。
鹹檸檬配上聖子鮮味更特出,吃下鹹香細緻,口感爽脆不韌,加埋粉絲香蔥的味道到而家我都仲係回味緊呢!
跟爐兄去食飯又點會咁簡單吖,再嚟多一份邪惡軸心之物{大班樓陳皮和味肘子}🐷
炆得出神入化的肘子外皮軟糯甘香,入口一點也不覺肥膩,加上肉質鬆化成件事雖然好邪惡但係又好美妙😚。
{蟹肉糯米飯}鋪滿紅蟹肉的糯米飯又係矜貴到不得了,加上不少鹹香蝦米及菜粒,成件事係爽口加鮮甜,真係吃得我好滿足呢。
雖然大家都係邪惡嘅朋友,但係健康的好友我哋都唔會抗拒,當然要吃番碟健康的嫩綠蔬菜啦,{雞油豆苗}用上滑溜香香的雞油泡製而成,究竟佢係天使👼定魔鬼👿?
最後甜品係杏仁茶,我呢個麻煩人又係唔飲的,辛苦好友飲多杯喇🙇。
不過還有大班樓的自家製{紅棗雪糕}和{薑味雪糕}🍨止甜癮,兩款都軟滑好吃,尤其薑味更加引人入勝,我忍不住要多吃一球呢~

2 則留言: