冷雨夜的溫暖

這個星期天我哋並沒有回荃灣，事因車車🐶對上一次嘅身體檢查中尿素較高，所以今個星期再返診所追蹤病情，可惜的是指數並沒有給降低，所以醫生建議車車嚟緊要做一次詳細嘅心臟及腹腔檢查，因為醫生聽到他心臟有少許雜音，但相信問題都不大因為車車情況其實沒不妥的。 

這天我哋更在早上吃過早餐後在家執拾一吓準備迎接新年，接著下午便帶車車回診所，回家後又匆忙地趕出去食冷雨夜的溫暖晚餐喇。

難得同車爸爸撐枱腳細心挑選咗到私房御約吃現在Hit的蒸火鍋🍲。

這間私房禦約座位唔多但係這樣正合我意，因為我喜歡清清靜靜的慢慢吃頓晚餐嘛。

甫坐下餐廳侍應生便放下一壺抗菊杞子圓肉茶☕，茶味十分清香喝下溫暖滋潤，最適合這濕濕凍凍的天氣。

而前菜小吃都極有心思，因為全部都係自家製，包括炸酥脆花生，爽口醃酸瓜以及我最喜歡的海鮮大豆芽菜，內裏有不少新鮮的大蝦，蜆肉甚至乎龍蝦肉，拌得香口惹味👍。

我同車爸爸就揀咗{龍躉海鮮餐}$298/位，連埋糖水有十一樣食物都好豐富喔！新張期內套餐還可享85折好抵呢。

另外侍應此時送上少許調味料，混好了一個醬之後就預備開餐喇🎉。

首先放下來的是南瓜排骨粥料🎃🍖，待吃罷所有海鮮很呢好粥便是精髓所在啊~

第一樣放下嘅係脹卜卜花甲🐚和扎扎跳基圍蝦🍤，很喜歡餐廳將海鮮加上形容詞，即時變得有畫面又可愛。

 等代數分鐘後花甲便生動的張開口，這時便知道可以將它鲸吞下肚去了。

花甲鮮味十足火喉控制得剛剛好，入口鮮甜無比十分好吃，而海蝦亦都爽口彈牙有鮮味，海鮮最正就係莫過於此啦。

接力的時是深海龍躉魚腩🐟，真係要讚賞一下這龍躉，魚肉咬下充滿彈性味道鮮甜無比，再加上充滿骨膠原的魚皮，那份口感真的令人欲罷不能，每人得兩件真係勁唔夠喉呀！

唔好再沉溺喺龍等當中我哋要繼續向前看，在鍋中的是手打墨魚滑🐙及手打鮮蝦滑🍤，以及日本宮崎放養豬梅頭肉🐷。

我哋兩個十分搞笑竟然以為全部都係墨魚滑，所以我同車爸爸每人食咗四粒同味的滑真係笑死人😄，其實呢度嘅海鮮用料好新鮮，所以我都唔係好用調味料，先講那件豬肉肉質嫩滑，好有肉嘅香味確係靚貨，而墨魚滑味道亦好鮮香，不過口感略嫌較削，如果可以彈牙啲的話應該會更合我意。

餐廳更加刁鑽地先將元貝裙邊蒸了給我們吃，之後才放下那隻肥美肉厚嘅 元貝王入鑊蒸。

元貝裙邊爽口彈牙口感都幾過癮㗎！

元貝王個子十分肥厚，白雪雪的樣子十分吸引，吃下肉質都幾嫩滑，口感蠻不錯呢。

最後放入鑊蒸的是七色時蔬🌿🌽，蟲草花紅棗冬菇蒸雞🐥，以及嫲嫲愛心韮菜餃他們正嘅時間相約所以可以一齊落鑊 看上去色彩繽紛奪目好期待去試呢

蔬菜用來這樣的煮法菜係十分健康，因為半滴油都冇呀嘛！而這麼多款菜當中最正嘅係粟米同埋紅椒，兩樣都清甜到不得了十分好味道😋。

嫲嫲愛心韮菜餃味道十分香濃，餐廳很用心地挑走肥肉令餃子更健美，絕對係車媽媽心水，但如果餃皮可以滑溜多一點我相信佢肯定有一百分，而家比90分啦呵呵~

另外蟲草花紅棗蒸雞都值得一讚，雞肉醃製過後也吃到雞香，成件事都係好舒服呢，而且雞肉亦都好有彈性好嫩滑值得一吃喔。

每次吃蒸火鍋我最期待就係呢一鍋粥，雖然今次貝殼類唔算太多所以鮮味不算十分之勁，但係加咗香甜南瓜以及嫩滑可口嘅咸排骨，成件事還是十分出色的，而且粥底亦都頗綿滑，我就好滿意喇車爸爸更食咗三碗呢哈哈！

最後糖水係近年大熱的桃膠雪耳木瓜糖， 吃完火鍋來一碗清爽不過甜的糖水簡直係最完美的結局，下一趟再去那種撐檯腳好呢？？