傳說中的堅定哥

大年初二繼續團年飯聚,辣局經歷波後終於選定在川上龍 ,真係多謝各位辣友唔嫌棄我呢個地獄黑仔王在辣局散發黑氣👤,感激流涕🙇。
川上龍位於海防道地點十分好找,不過想到店內衛生情況就未如理想了,整個地下都黐立立的,感覺十分不適!
還幸的是我哋被安排到唯一一間廳房內用餐,雖然地下都係黐立立但係感覺都好了一點點啦!菜牌用上武林秘笈呈獻感覺都幾特別。
餐前嘅小食係花生不過我偏向喜歡食炸花生多點,但是用來送酒還是十分不錯 配搭。
平時不太喜歡喝啤酒嘅我也向這一支京都麥酒🍺$48臣服,麥味香濃但唔會有過重嘅槐花味,入口香而不澀十分之好喝。
先點少去前菜送酒先{麻椒金錢肚}$68,輕輕的麻味唔算太出色,牛肚亦都唔算十分軟淋!
{孜然多春魚}🐟$88呢個多春魚孜然味十分香,而且亦都炸很酥脆好味道呀。
{醉豬手}$68就唔掂喇,酒味完全冇進入豬手,豬手亦都唔係好爽脆可以不吃!
{涼拌土豆絲}$55做得幾爽口,澱粉質去得十分之清,但如果加埋酸辣味我相信會吸引多啲。
{水煮桂花}$218呢個水煮桂花魚嘅分量絕對夠我哋咁多人食,今次大家都食得好開心,麻辣味都好平均而且魚肉都幾嫩滑,不過入邊嘅薯粉係用左扭扭薯粉,就冇粗薯粉嗰種口感就差咗少少囉!
{四川萵荀田雞}$88萵筍爽脆可口從來都係車媽媽的至愛,可惜嘅係田雞味道不夠出色,可幸的是肉質唔會過鞋還算有丁點兒可取之處。
{辣子雞}$168香氣味道做得不差,但係嗰啲雞碎濕碎到肉眼都看不見,遑論吃入口嘅口感,又乾又柴究竟想點啊~
{四川麻婆豬紅}$78豬紅質地滑溜,味道香辣可口,如果可以再入味多點就應該更加出色了。
{糯米蟹}$428全晚焦點就落在呢一個糯米蟹中,足有一斤二兩的膏蟹盛載著滿滿的黃糕,糯米飯亦都做得煙韌有咬口頗出色喔。
{千層咕嚕肉}$88又係唔知想點的菜式,外層係肉碎包裹著豬肉粒做成的千層咕嚕肉,唔覺得口感特別好食,而且酸甜汁只有甜沒有酸味,絕對不是我杯茶囉!
堅定哥所說的{三鮮煨麵}$65記住唔係湯麵係煨麵呀哈哈哈哈😆, 麵質淋淋的,可幸的是湯底也算有鮮味可以接受啦~
又係堅定歌所說的{奶湯津白}$82,記住係奶湯津白千祈唔好叫奶油津白呀係唔可以㗎!呢個津白就做得出色啦!香滑可口淋甜入味好吃得我哋叫咗兩碟呢。
最後這個{薑茶湯丸}$28旨在要個意思意思大家團團圓圓,食味嘅嘢算吧啦甜到喊呀😫!

留言

  1. 呢餐好似真係唔多典,尤其個咕嚕肉嘅賣相,真係好怪!^^”

    回覆刪除
    回覆
    1. 辣嘢就一般,其它還可以唯獨咕嚕肉真係......

      刪除
  2. 我支持叫佢認真哥多D,睇下佢的留言,超認真架

    https://www.facebook.com/dessert.devil/photos/a.229752523724729.69918.221856601180988/1441462069220429/

    回覆刪除

張貼留言

熱門文章